打邊爐的地方，好多時都「零」裝修，佈局又老套，想有靚景伴食，筆者有好介紹。位於寶馬山的雋園，英文名叫The Glasshouse，店如其名，是一間獨立玻璃小屋，一店有齊火鍋及燒烤。屋內裝修走西式路線，一邊牆身設有紅酒櫃，高雅別致。玻璃屋外是園林風格的露天Area，在這裏可同時享用火鍋及燒烤，或任擇其一。

秋冬時分，最多人選擇在露天位置打邊爐，在開揚的環境下，對着暖烘烘的湯鍋，氣氛更Warm更濃厚。餐廳更推出抵食的火鍋套餐，兩位$396，有齊過十款高檔火鍋料，當中包括8吋長新西蘭活蟶子、本地手切肥牛、美國桶蠔、鮮中蝦、手打四寶丸、花膠筒、珊瑚蚌、貴妃蚌等等，絕對抵食。重點推介這裏的潤肺海底椰鍋，以每日新鮮熬製的豬骨湯作底，加入雞腳、椰子及海底椰等再熬數小時，入口鮮甜夠味，同時有潤肺滋補的功效，多飲皮膚都靚啲。

查詢電話︰2807 3131

近幾年Hit起一人一鍋熱潮，既獨立又衞生，雖然少了十對筷子同插一鍋的溫馨場面，但亦無減熱鬧氣氛。Hipot正是早期推出一人一鍋的火鍋店，走年輕人路線，開業至今都不乏捧場客，而且大多是90後的年輕人。

能夠吸引一眾年輕人熱捧，其吸引之處當然不止是一人一鍋咁簡單，廚師設計了多款有創意的湯鍋，最新推出有辣酒花蛤湯，靈感來自辣酒煮花螺，轉化成湯底，辛辣惹味夠刺激。而火鍋配料方面，以創作丸類最受歡迎，當中以黃金蝦丸、朱古力豬肉丸等最搶手，不但好味，又夠新意。加上Hipot以簡約的潮裝示人，還設有半自助Corner，十幾款醬料免費任配，最緊要還是有三免：免茶、免芥、免加一，合乎年輕人的預算。