邓丽欣甜笑认爱王子 小方掩面网民祝福
邓丽欣（Stephy）认爱啦！现年34岁嘅Stephy同拍拖十载嘅方力申都分咗手两年有多，期间唔少传闻话复合有望，又传跟同性密友关系密切，就连Stephy自己亦多次透露自己有追求者，但今次真系公开认爱前台湾男团Lollipop棒棒堂成员邱胜翊（王子）啦！见Stephy笑得咁甜，小编都好为佢开心啊！不过就唔知旧爱小方依家系咩心情呢？
撰文：东方新地 ｜ 图片：王子邱胜翊Facebook、方力申IG限时动态、东方新地
延伸阅读：
【BB来了】 李佳芯、卢苑茵晚晚上演婆媳大战！细数剧中婆媳纠纷6大共鸣位
撇甩两囝囝！周汶锜 带工人姐姐出街做咩？
应采儿撮合二人
Stephy同王子同属金牌大风，纵使识咗好耐，不过多年嚟工作上都从未有交杂，咁究竟佢哋系点发展㗎？！原来，系经由应采儿就媒人约饭局，佢哋就认识并开始熟络，咁就撮合咗呢对情侣啦！虽则呢场姊弟恋就相差咗六年，但Stephy都有信心话依家都2018年，大家接受能力都好高，仲叫大家畀啲空间佢哋咁话。
邓丽欣愿低调保护恋情
其实更早之前，Stephy已经被指喺4月与王子同游苏梅岛，不过睇嚟当时佢哋都想护苗，所以𠮶时就双双否认嘅～不过，认爱之后，Stephy就表示，希望低调处理感情事，因为根据佢嘅过往经验，感情系两个人嘅事，但因为身为艺人所以就变得好透明，而低调都只系想保护恋情。好啦，但小编都系想恭喜Stephy事业爱情两得意，因为佢之前获邀出席《第16届纽约亚洲电影节》，成为首位获得「亚洲新秀奖」嘅香港艺人，仲用英文致词被网民大赞有进步添！
王子左右为难
另一边厢，喺台湾嘅王子都于同日下午喺社交平台贴文，表示自己左右为难，叫大家爱屋及乌，似系间接认爱㖞！睇嚟佢就怕自己啲粉丝嬲嬲猪，会连累Stephy被攻击喇！不过，其实粉丝都系留言祝福居多，王子又唔使太担心嘅～
小方掩面：「别提了！」
至于前度小方（方力申），日前赴广西工作时，就喺于IG开限时动态，同粉丝互动一下，点知竟然有粉丝问佢有冇女朋友！小方就更加以手掩面，大大只字同粉丝讲「别提了！」，同甜笑认笑嘅Stephy都有啲对比㖞⋯⋯
其实小方Stephy分手之后一直都系再见亦是朋友嘅，之前一齐出席活动，小方仲系台上主动提出同旧爱Stephy握手，吓到Stephy一面错愕但都有大方合照。不过小编就隔住个Mon都觉得尴尬喇⋯⋯
虽然小方就话「别提了」咁啦，但其实喺佢嘅另一个限时动态入面，当小方同大家介绍紧自己睇世界杯有咩宵夜食嘅时候，就无啦啦有个神秘女子一不小心摄咗入镜，吓到小方要连忙澄清，大呼：「佢唔系我女友我讲多次⋯⋯」
虽然Stephy小方呢对情侣当年真系好深入民心，不过话咁快都过咗两年几，依家见到Stephy笑得咁甜咁开心，小编都好真心祝福Stephy王子呢一对！唔知小方又会几时先会同大家提下佢嘅女朋友呢？
延伸阅读：
有竹内凉真、福士苍汰…｜日本小鲜肉男神 写真大激斗