伍姑娘演的反派角色的確令人恨得牙癢癢。

邁向50歲的伍姑娘說會爭取時間演多些角色，自己沒有小朋友，時間彈性又無壓力。

受監製兼出品人樂易玲欽點，伍詠薇(伍姑娘)在劇集《飛虎之潛行極戰》中飾演唯一的女反派「曼娜姐」，比她年輕11年的黃宗澤（Bosco）更擔當其親兒，一向自言沒有偶像包袱的伍姑娘勇於接受挑戰，表現獲讚！被問到老公練海棠有否覺得她好恐怖？她竟興奮大笑說：「佢娶個咁嘅女人都好恐怖啦，不過老公睇得好開心話我好似小朋友咁攞到100分(滿分)，好戥我開心。」

劇中她和龔慈恩都係吳岱融的女人，兩人有一段恩怨情仇。

伍姑娘跟Bosco多年前合作過《我的野蠻奶奶》，她說再次見Bosco時被他看著5分鐘沒出聲，心想：「點解佢望咗咁耐唔睬人嘅？」之後Bosco才開口說：「喂！咪住先，你點做我媽呀？睇下你成個男仔咁。」

伍姑娘指這場吳岱融探監一幕用了許多心機演出。

樂易玲稱讚伍姑娘「靚得嚟令人心寒」，氣場十足，對此伍姑娘大笑說：「又靚又得人驚？死啦，咁樂小姐咪唔簽我囉，定要我好似以前李香琴咁長期做奸妃？」她坦言，今次角色處理有難度，加上前輩苖僑偉未曾與吳岱融合作過，吳先生氣場強勁，令她甚感壓力：「我好驚佢，其中有場戲我去探監，我要發洩20多年嚟對佢嘅仇恨，佢好好，好識畀戲演員，但我就好緊張。最難忘話我同國際組織合作，所以有段要全英文對白，而且要飛紙仔，我即時求教兩位哥哥，最後都算過到關。」

伍姑娘一直想與三哥合作，但遲遲未有機會，今次終於有機會。

被問到丈夫有否取笑她演得「夠奸」，她自爆：「我屋企成日做奸妃㗎，我係一個好幼稚嘅女人，成日扮老公嘅女友、男友、變態佬！仲會《執到寶》角色上身，拉埋老爺一齊對戲來keep住團火，最搞笑我老公會同我一齊癲。試過提高聲調唸對白講咗個『你』字，喺櫈底嘅貓仔嚇到好似殭屍咁跳住彈開，嘴都震晒，原來係極度驚慌表現，等同被虐待，自此對住家中貓兒做戲要變得溫柔，不過，佢哋都係『小演員』都會俾到反應我㗎！」

伍詠薇非常疼愛12歲貓姊弟big虎女(左)及思虎仔，會經常同兩貓對話。