击退野花 唐诗咏挟男友同居试婚
近日不时孖实马国明宣传大放甜蜜的唐诗咏,唔少网民想二人延续剧集《 白色强人》唐明、苏怡恋情做真情侣,唐诗咏仲口口声声叫马明约佢,原来只为制 造烟幕,实情跟升学顾问男友陈思铭拍拖一年打得火热。为密冚恋情,继续讲 大话扮单身,不过,之前男友有野花埋身,唐诗咏深怕睇唔实会走宝,亦加大力度箍实亿万笋盘,近月不时到男友屯门寓所过夜,更冧掂陈思铭买楼筑爱巢同居试婚,去年六月揾好姊妹翠如出马,陪睇北角豪宅柏蔚山,冇耐陈思铭便掟2,300万入市。日前,两人烟韧拍拖买𩠌后同返男友屯门寓所,玩煮饭仔撑枱脚直落度春宵,享受同居生活仲要隐瞒,唔通真系想拍拖、同居、结婚一次过公开,炼赢玩神秘瞒婚好姊妹黄翠如!
撰文:东方新地 图片:新传媒图片、IG
唐诗咏 挟男友同居试婚
今年已经38岁的唐诗咏,虽然有「不能错过的女友」称号,不 过,多年来情路坎坷,同崔健邦及洪永城,感情都未能开花结 果,失败经验令她深怕公开恋情带来压力,再堕爱河亦坚决唔公 开。去年底同升学顾问笋盘,32岁「英识教育」创办人兼董事陈思铭 拍拖食饭断正,唐诗咏都只认对方系饭脚普通朋友,唔认二人拍拖关系,今年三月,又畀本刊断正揸车接男友收工再约会,拍拖甜如 蜜,至今仍继续扮单身。
烟韧买𩠌
拍拖买𩠌都专登拣隐蔽超市,位于长江集团中心地库的超市人流疏落,啱晒玩地下情的唐诗咏,两人在超市贴实拣食物,准备返屋企煮饭撑枱脚。
借马明过桥
早前同马国明宣传剧集《白色强人》,被马国明公开大赞人品好 好,唐诗咏更开声叫马明约佢,摆明借TVB 笋盘过桥。据知情者透 露:「之前拍𠮶两次拖,就因为公开咗令Natalie(唐诗咏)有好大压 力,成日畀人问住几时结婚,讲得多佢都唔知点答,唔想再因为拍 拖搞到自己有咁大负担,索性话未到结婚都唔公开,反而男友谂法 唔同,咁始终Samue(l 陈思铭)从事教育界,知名度对工作有利无 害,佢根本唔觉得有咩要瞒,不过,既然女友唔想公开,Samuel 惟 有 顺 应 女 友 意 思 , 只 系 间 中 喺 I G 低 调 放 闪 !」
死口唔认有拖拍的唐诗咏,日前拍拖又断正,当日傍晚独自驾车到铜锣湾,先落车到附近大厦攞嘢,之后便返回车内等男友收工。
陈思铭收工即揸住蓝色座驾离开,两人前后车出发,陈思铭的座驾一直跟在唐诗咏的黑色Benz后面,直驶往中环长江集团中心。
箍男友防女埋身
其实拍拖一年两人一早见晒家长,唐诗咏更早已融入男友家 庭,不过,早前因忙于赶剧,男友被本刊拍到揸车接送貌似岑丽香 年轻女伴上落班,更同女伴著晒情侣鞋贴实烟韧倾密偈,她亦不敢 再掉以轻心。据知情人士说:「之前男友畀人影到同女伴亲密黐到 实,男友仲成日揸车接送对方,Natalie都好紧张,不过Samuel解画 话个女仔只系同事,佢亦只有相信男友,不过身边班姊妹都提醒 佢,话男友年轻有为,身边实多女氹氹转,叫Natalie睇实啲,所以 依家就算开紧工,佢都会call住男友check到实,喺TVB收工都老远 去男友屯门寓所过夜,方便𥄫实男友,唔畀其她女有机埋身,另一 方面,大家又可以试吓一齐生活借此更了解对方!」
拣啱爱巢男友入市
去年六月唐诗咏揾黄翠如做伴,一齐去北角新盘柏蔚山睇楼,表面话想买楼同阿爸一齐住的唐诗咏,原来系拣定爱巢,睇啱心水楼,即叫男友陈思铭入市,今年一月陈以2,300万买入该盘800呎单位,拍拖一年开始过同居生活。
揾翠如陪拣爱巢
学定做人妻的唐诗咏,原来早氹掂男友买楼筑爱巢。去年六 月,她揾好姊妹黄翠如掩护兼帮眼,到北角豪宅新盘柏蔚山睇 楼,当时翠如被问是否买楼同萧正楠筑爱巢就爆响口话只是陪老友 唐诗咏睇楼,并唔系自己想买,今年二月陈思铭便以2,300万购入柏 蔚山一个800呎单位。据知情者透露:「Natalie 身边唔少朋友都结咗婚 生埋仔,佢都好心急想快啲嫁人上岸,而且佢好钟意小朋友,年纪 唔细都想早啲陀BB,拍拖无耐,佢已经密密睇楼,𠮶次新盘未开 售,已经有留意𠮶区,始终觉得港岛区近住名校网,对将来仔女返 学都方便啲,其实𠮶次佢好想同男友一齐去睇楼,但又怕会太 扬,最后咪揾好姊妹翠如陪啰!佢入到场一睇已经好钟意𠮶度,后 尾男友再睇咗一次,好快就扑槌买!」
睇嚟唐诗咏要下厨显身手箍住男人个胃,连拣酱料都好认真。
前后脚保同居关系
近日忙完剧集宣传工作,唐诗咏已把握时间陪男友,日前傍晚 六时许,她驾车到达铜锣湾,先去男友公司附近大厦攞嘢,之后返 回车内等候,似乎唔想妨碍男友工作,未有上楼到男友的教育中心 等对方,反而一直留在车厢,等近半小时,男友终于收工,驾驶他 的蓝色座驾驶出停车场,此时,唐诗咏开车向中环方向进发,陈思 铭的座驾就跟在女友的Benz后边,两人一早有共识,将车泊到中环 的长江集团中心,泊低车后一齐到地库的超市买𩠌,相信两人一早 熟晒地点,特意拣这间冇乜人知,地点隐蔽的超市买𩠌,拍拖自然 神不知鬼不觉,啱晒刻意玩地下情的唐诗咏心意。就连买完嘢还继 续前后脚走,唐诗咏丢低男友畀钱自己走先,同男友夹好各自驾车 返屯门寓所会合,小心翼翼密保同居关系!
两人喺超市内拣咗成粒钟,买完蔬菜再拣海鲜同牛肉,同男友烟韧买𩠌。
买齐嘢,唐诗咏同男友继续前后脚离开,由男友负责畀钱自己则走先,各自驾车返男友屯门寓所会合。
翌日冇换衫
拍拖买𩠌回家玩煮饭仔翌日,唐诗咏约咗森美及一名幕后食晏,当日陈思铭亦有驾车到场,不过又系神龙见首不见尾,未有同女友街头合体,而当日唐诗咏衣著与前一天的打扮一式一样,似乎前一晚在男友屋企过夜,未有换衫。
被背景出卖
被指真身系陈思铭的专栏作家「叶朗程」,早前上载了一张长发女背面相,被眼利网民认出,与早前唐诗咏上载庆祝38岁生日时的相片,无论衣著打扮、室内环境和夜景都如出一辙,被揭发陈思铭为女友甜蜜庆生,不过唐诗咏就坚决否认背影系自己。
今年农历年初一,两人po出行山相,即使系单人照,但背景又系一模一样。
同马国明在剧集《白色强人》演一对,被网民指衬到绝,促马明追唐诗咏,就连Do姐都在《Do姐有问题》节目,问二人唔拍拖到底争啲乜?!
亿万笋盘多女埋身
32岁的 Samuel(陈思铭)是升学顾问中心「英识教育」的创办人兼执行董事,现时公司市值逾8,000万,被指年赚过千万的他,被誉为城中超级笋盘。
虽然同唐诗咏蜜运,但Samuel身边不乏靓女车轮转,早前被本刊拍到与一貌似香香的厚唇女约会,女方更帮陈思铭做人肉手机架。
延伸阅读:
《Stranger Things 3》开播前必知3大重点 再次回到Upside Down世界
5个《反斗奇兵》不为人知的都市传说 原来胡迪系鬼魂?