武汉肺炎杀埋身！十大最影响生活嘅事　买唔到口罩都未系第一名？

成个新年都戴住口罩真系够晒难忘

因为武汉肺炎爆发，今个新年大家拜年、出街都全副武装：有口罩戴口罩，有眼镜戴眼镜。觉得过年戴足咁多日口罩好麻烦？最惨系依家口罩缺货，想戴都无得你戴，就嚟街都唔敢出。每次爆发大型传染病，大家危机意识都会大大提升，亦都比平时更注意卫生，今次呢个新型冠状病毒撞正新年假期，对各位市民日常生活有更大影响、造成更多麻烦。以下呢十样因为疫情造成嘅困扰，你又有无身同感受呢？

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 被逼放无薪假

本身过年放假应该都系大家好期待嘅事不过撞正肺炎爆发，政府宣布学校假期同埋政府部门假期都延长，希望避免人群接触，减低感染机会。有啲公司决定延长假期，不过就要求员工自愿放年假，亦都即系无薪假。其实都可以理解嘅呢个环境下，就算开工都冇乜生意，而且一出街就要带住个口罩担心被感染，不过员工嘅角度梗系觉得要扣大假唔合理啦。总之就公司头痛之余，员工又无奈。

image source:Youtube/ BBC News 中文

9 不能亲密接触

大时大节，一大班亲朋戚友聚首一堂，本身应该好热闹，不过大家坐埋一台，其中有个人打个乞嗤，都咪话唔惊。本身食团年饭一家人可能都未必会使用公筷，但相信今个新年唔少人都会要求使用公筷避免交叉感染。目前结果显示病毒主要靠飞沫传染，专家都不断提醒大家要勤洗手，减低细菌传播机会，毕竟你唔知人哋只手摸过啲乜嘢、有冇接触过病毒，所以大家都避免同人接触，都系果句：避得就避啦。

image source:Youtube/ RTHK 香港电台

8 商店、政府机构缩短营业时间

武汉肺炎疫情暂时仲未可以控制得到，专家呼吁尽量避免出街同人群接触，而且口罩咁难买真系悭得一个得一个。呢个时势，无论食肆定普通铺头生意都一定大大受到打击，唔少公司都宣布缩短营业时间，反正冇乜生意不如早啲比员工返屋企，费事搞到人心惶惶咁返工啦。就连八大银行都有唔少分行暂停营业，邮局亦都会改为隔日派信，提供有限度嘅服务，为求将今次新型冠状病毒扩散嘅机会尽量减低。

image source:Youtube/ 苹果动新闻 HK Apple Daily

7 搭交通工具时人心惶惶

香港人口密度咁高，交通工具几时都系人迫人，繁忙时段基本上好难避免同其他乘客有身体接触，而家风头火势大家都好警惕，唔少人都表示搭搭下车有人咳两声嘅话，自己都会即刻弹开。打一两个乞嗤可以全部嘅病毒同埋飞没接触嘅范围其实好广，如果系同一个车厢内可以话系避无可避，戴口罩系最基本嘅配备，万一见到有呢啲打乞嗤、咳嘅人连口罩都唔戴，真系惊到分分钟即刻冲落车㗎。

image source:Youtube/ TVB (official)

6 街都唔敢出，日日留喺屋企

依家全城紧张嘅问题，除咗系几时封关，就一定系边到有得买口罩啦。今时今日唔戴返个真系唔够胆行出街，偏偏周围都断晒货，就连想喺海外订购，日本、韩国好多厂商都一早接爆单，有钱都买唔到。街又冇得出，亦都唔够胆去餐厅食饭，唯有去超级市场扫定货，喺屋企自己搞掂。早排超级市场连米，罐头，都俾人抢到冇晒，睇嚟大家都已经准备好打持久战，实行留喺屋企唔出街防疫。

image source:YouTube/ TVB (official)

5 消毒抗菌用品抢都抢唔到

口罩呢啲即弃性用品买唔到，就连消毒酒精、消毒湿纸巾、消毒啫喱等相关抗菌用品，而家都唔系咁易揾到，无论超级市场、药房，便利店都俾人搜刮一空。任何消毒杀菌嘅产品，连空气清新机，大家都买咗先算，有乜用乜。冇口罩都话可以尽量唔出街，但消毒屋企就无得唔做。就算新年前大扫除完，而家都要记得继续保持屋企环境清洁，定期消毒，降低细菌生存机会。睇嚟以后大家都要未雨绸缪，长期准备好消毒产品喺屋企，先唔会好似而家咁临时临急，想用但系已经乜都买唔到。

image source:Youtube / BBC News 中文

4 有病都冇医生可以睇

成日话「有病就要睇医生」，但依家就算想睇都未必有医生可以睇。前排屯门医院接收一名武汉肺炎病人，不过就因为医疗失误，冇将佢安排喺负压病房导致12人需要隔离。医院呢啲长期咁多病菌嘅地方，喺呢啲紧张嘅时期大家就更加敬而远之。加上政府迟迟唔封关，仲宣布非本地人都可以免费享用医疗服务，有医护人员担心导致医疗系统超出负荷，唔少前线亦都反映政府无提供根本冇足够嘅装物资比佢哋进行医护工作，所以延伸出医护罢工嘅行动，希望得到政府正面回应。

image source:Youtube/新唐人亚太电视台NTDAPTV

3 公开活动取消、公共场合关闭

而家大家都减少聚会，避免去一啲人多挤迫嘅高危地方，好多平时逼满人嘅地方例如迪士尼同海洋公园都先后宣布暂停开放，唔少公众活动亦都表示延期。好多歌手演唱会亦同样受到影响，因为疫情持续蔓延，华仔刘德华上个月宣布取消12场香港嘅演唱会，莫文蔚香港演唱会、蔡依林喺中国地区嘅多场演唱会全部都宣布延期。原本满心期待嘅fans一定都好失望，不过为咗大家安全着想，都只可以默默接受，希望疫情控制尽快好转，早日宣布延期嘅日子。

image source:Youtube/ 有线电视 CABLE TV & 有线新闻 CABLE News

2 学生延后开学

1月31号行政长官林郑月娥公布多项针对武汉肺炎传播嘅措施，其中一样包括中小学同幼稚园嘅假期延长到3月2号。学生可以放个长假应该都好开心，不过家长就头痛啦，除咗部份停工嘅公司之外，大部份打工仔都正式返工，学校停课，小朋友唔使返学，家长都要返工嘅话就冇人可以照顾小朋友，又要另外安排人帮手托管。不过学校呢啲高风险，容易大规模传播病毒嘅地方，的确好值得特别关注，咁多位家长辛苦晒喇。

image source:Youtube/ 有线电视 CABLE TV & 有线新闻 CABLE News

1 出差、旅游被迫取消

疫情大规模爆发，台湾政府一早已经宣布禁止疫情最严重嘅湖北省居民，或者到过湖北省嘅人入境，后来将范围扩大到到过广东省人士都一样限制入境，防止病毒喺台湾传播。初期大部份针对中国地区嘅人禁止入境，不过近日菲律宾、意大利都禁止中国，连同港澳地区嘅人士入境。世界各地都已经有发现确诊武汉肺炎嘅人士，可以话冇一个地方完全安全，亦唔知有冇病毒喺你附近，就算冇被禁止入境，大家应该都冇心情周围玩，本身安排好去旅行或者出差都唯有取消啦。