歌手蘇煒喬（Ivan）早前為ViuTV節目《晚吹- 總有一瓣喺左近》擔任嘉賓並分享親身經歷的鬼故事。第六感一直很強的Ivan自爆原來在17、18歲時起了個命盤，「師傅高我偏水沖，好容易接觸靈界事物。」節目中談到Ivan的舅父因在新娘潭踩單車發生意外而過身，故此在小時候Ivan的媽媽禁止他去踏進新浪潭。對於因拍攝這個節目而第一次到新娘潭，Ivan即指十分難忘：「媽咪都知道我去咗，之前細個讀書嗰陣就唔畀我去，依家去拍嘢都好安全，又唔係踩單車，個節目佢都有睇呀，我同屋企個關係都好Close。」

談到4月便會約滿「星娛樂」，Ivan表示除了「星娛樂」外，還有3間公司正在洽談中，問到主要考慮甚麼條件？他說：「睇下公司可唔可以幫我發展歌、影視嘅潛力，仲有大家嘅取向，究竟佢係想做一間gimmick嘅公司，定真係認真對音樂有要求嘅公司，同埋都希望可以同唱片公司一齊合作搵多啲job。」

去年在《創加作微電影支援計劃（音樂篇）》奪得最佳男主角獎的Ivan，將於3月去內地拍愛情網劇《各自的夜》，他說：「呢個劇係講兩男兩女各自喺夜晚入面嘅愛情故事，好似點樣去追求對方咁，帶出年青人嘅愛情態度。」一直以歌手為主的Ivan被問到是否有意歌影雙線發展時，他即說：「係呀，我對做演員好有興趣！」

原文連結：

蘇煒喬續約條件：對音樂有要求

相關文章：

音樂人梁安琪新年雙喜臨門

Stars-HK娛網

本站集中報道娛樂新聞，包括在音樂圈、電影圈、電視圈、劇團裡面，歌手和演員的活動和最新動向等。我們採取「只談專業，不談緋聞」的編審方針，希望帶給讀者清新的體驗。無論是中、港、臺、日、韓等地的大明星以至新人的消息，娛網都會悉數報道。我們也會重點發掘未來新星，致力推廣。