其實本來唔想寫出來，但店員(可以能系老闆娘)說話有點過份，以錢去度人，說出來不表示我不包容，反之希望《馬天奴咖啡》可改善對客人的態度及員工之陪訓。

尋日(23/6/14)大概5.40分我係裡面tea緊，之後有一位女士order左吞拿魚三文治同甘桔水，之後又有位男士order吞拿魚飛碟；吞拿魚飛碟先到，年輕店員無睇單就比左女士，女士望了幾次開始喫，之後吞拿魚三文治到，這個店員有看單，知道吞拿魚三文治不是男士，女士此時亦知喫了別人的，年長一點嘅店員要求女士付差額2蚊，女士認為首先錯不在她，無理由要佢再比錢食唔系自己order嘅野，女士要求比番吞拿魚三文治佢，起先有D各不相讓，不過最後女士都攞番三文治；女士唔系無point, 佢有望單，開始亦知錯左，不過覺得既然錯左就算，無謂整過咁浪費。
年長店員一直閙女士貪心，女士反駁店舖無比佢order嘅食物，女士亦講出重點: ~ 店員咁閙客真系唔巖，最後女士興到走左。
...

如果我係店員，一定唔會同客嘈，2蚊好少事，亦唔應閙客人貪心；更重要系除左女士之外，店裡面重有好多客，佢地睇到會點諗；再講網絡發達.............

閙人果個年長店員其實一向對客人D態度系比較冷淡，不過我亦一向好少理，我黎食野啫，食完就走，況且食物水準只系一般。

**************************************************************

講真lee間鋪個飛碟一D都唔似飛碟, 成隻crab咁, 幾難分辨

幾方面都有錯:

(1)年輕侍應無睇清楚張單, 隨便就放低件飛碟比女士系唔巖;

(2)女士有懷疑, 應該先問清楚才喫;

(3)年長店員不應閙客.

結論:

(1)唔講都唔知原來lee間野比咁多人bad list左, 真系要檢討下;

(2)年長店員一口定案，說女士貪心，過份了點罷;

(3)年長店員在店內閙客，對小店形象有損，損失豈只兩蚊.

查看原文 >>