今日快報

　　《妙手II》曹永廉陳潔儀重聚！蕭正楠做小三

　　無線劇集深受觀衆喜愛，亦造就咗唔少經典組合，好似日前《華麗轉身》嘅一班演員重聚就成爲熱話，而呢日又有一個經典組合再現，就係劇集《妙手仁心II》嘅兩位急症室醫生曹永廉（阿廉）同陳潔儀（Kit）喇！

　　近日蕭正楠同「小三」曹永廉去到新加坡登臺，而阿廉亦趁呢個機會同喺當地出世嘅Kit敘舊，佢喺社交網上載三人合照，並留言笑指蕭正楠做咗「電燈膽」：「開心跟好朋友Kit相聚，一齊回憶2000年的妙手，但唔知點解蕭正楠要跟埋嚟！」

　　撼贏陳展鵬！唐詩詠竟然系全劇最好打

　　藝人唐詩詠與陳展鵬、陳山聰、伍允龍、王君馨和姚子羚等日前齊集將軍澳電視城，爲劇集《唐人街》開工。令人意想不到的是，詩詠是今次劇中最好打角色，她笑言記招式比背對白更難：「從來冇人會覺得我係打得，今次做到，辛苦得嚟好開心。（點說服觀衆？）交畀監製同武術指導，我儘量配合，大家都好幫我練習，我只系打咗一場，最辛苦嘅仲未拍，記招式好難，一錯就好易有人受傷。我最怕整到人，我自己好彩暫時都只系瘀傷，未有大傷，希望大家繼續冇事。」

　　講到其緋聞男友「教育界王力宏」Samuel被影到接載其他女士，因而被指花弗，詩詠無奈直言：「我哋系朋友，咁其實我都會車男仔放工，冇乜嘢，我都驚影響到人嘅生活，幫佢嘅就係講少啲。（撐佢唔花弗？）唔好講到咁嚴重，我都成日車人收工啦！」

　　姚子羚拍劇撼親頭　王君馨狂起飛腳影響造人

　　藝人王君馨及姚子羚以性感黑寡婦造型拍攝劇集《唐人街》，大曬Fit爆身段！她們表示一穿上這套戰衣即代表打戲連場，君馨表示雖然有拍過《城寨英雄》，但今次挑戰更大，角色強項是起腳，難度很高，而且戲中要面對不同門派的高手，經常要接新招，問到可有受傷？她說：「盆骨成日瘀曬，原來系件衫嘅摺位太緊，經常整到瘀傷。」講到當時她在《城》劇演「花曼」的20吋腰令人難忘，君馨笑言今次應該未能再練成纖腰：「因爲今次動作好多，需要操啲腹肌，兩邊都要多啲肌肉，所以唔會咁幼。」問到拍完此劇後會否專心實行「造人大計」？她笑言打到傷曬，相信要休養一段時間。

　　子羚表示今次是入行以來打戲最多的一套，打勻每個角色，而早前拍攝一場在桌子上的翻滾戲，不小心撼親頭，而且經常打到周身瘀傷，並有很多跳崖跳海戲，相當辛苦，不過是一次很大的挑戰！她又指最近忙於處理首飾生意，因此時間分配上更加忙碌。

　　楊怡胡定欣整心心手 估唔到系跟佢學！

　　藝人馬德鍾、胡定欣、楊怡與丈夫羅仲謙、羅蘭、黃紀瑩、魯振順及資深監製潘嘉德等相約飯局，難得聚首一堂，當然要拍照留念。定欣將飯局相片上載社交網與大家分享，見衆人玩得相當盡興，除羅仲謙外，個個做出心心手勢，相當有愛。定欣踢爆是羅蘭發起擺甫士：「擇日不如撞日，咁就過咗個快樂的晚上！你哋一定估唔到帶頭整呢個心心手勢嘅人……系聖羅蘭。」

　　莊思明同楊明結婚有共識：唔會好耐

　　藝人莊思明（Lisa）以一身銀色Bling Bling短裙、大曬白滑長腿爲無線節目《流行經典50年》擔任嘉賓，相當省鏡！問到是否人逢喜事精神爽，被求婚？她否認並指剛與男友楊明慶祝拍拖3週年，更抵死謂：「咁就3年啦！（幾時結婚？）我哋有共識嘅，唔會好耐，又唔會好快，否則3年又3年我都頂唔住！應該會3年內結婚。」

　　Lisa再放曬聲氣指男友未買戒指，而她自己亦要儲錢，同時又趁機「投訴」楊明大使兼爆料：「佢咩都買，系諗唔到一個人可以長期咩都睇啱。（佢買咩多？）平常人大多數買衫褲鞋襪，但佢乜都睇，特別系家俬。（佢買過咩令你最不可思議？）佢有一期買咗好多卷唔同款嘅封箱膠紙！我都諗唔明點解會買咁多，但佢話『靚囉』！不過佢真系用嚟執嘢封箱嘅。」笑問男友是否有另類癖好，才大手購入膠紙？Lisa說：「咁佢又未綑過我！（叫佢買少啲？）我已經日日都好似只烏蠅系咁『哦』佢，佢都真系買少咗。」

　　問到是否楊明太大使，所以週年紀念日只食壽司慶祝？她澄清說：「因爲諗唔到食咩，又冇特別想做啲咩，2個人食餐飯簡簡單單慶祝。（老夫老妻？）系囉，都冇特別啲咩驚喜同送禮物，3年就老夫老妻咁，都諗緊30年點算！可能佢買封箱膠紙，我就買保鮮紙！」認真爆笑！

　　訂婚後爲增進感情 向佐偕郭碧婷甜蜜出遊

　　自從向佐和郭碧婷公佈訂婚訊息後，兩人爲更進一步增進感情，一直在旅行，之前在遊樂園、印度、澳門都有被偶遇過，一個星期前又去了日本看櫻花，拜訪乾爹山本耀司，今日又現身尼泊爾，雖然還沒有結婚，但看出兩人玩得挺甜蜜開心。

　　向佐在社交平臺貼出未婚妻郭碧婷同遊尼泊爾的照片中，兩人身着黃色情侶裝出鏡，牽手漫步的背景超甜、超恩愛。還有一張是郭碧婷喂小牛的照片，向佐守候在她的身邊，默默的看着她喂小動物，夫唱婦隨的甜蜜感，相當溫馨。熟悉郭碧婷的粉絲都知道，她很喜歡動物。未來奶奶向太還曾經開玩笑稱等兒子結婚後，要給郭碧婷專門建房子，用來餵養小動物。

　　入院後首露面！羅家英熱辣辣包到冚

　　72歲藝人羅家英早前因進行前列腺穿刺手術而受細菌感染，在聖德肋撒醫院留醫，日前約下午3時半，羅家英在女友人陪同下離開醫院。雖然氣溫高達28度，但他頭戴魚夫帽、口罩及黑超，身穿長褲、長袖衫及外套，以反季節裝束上陣，包到實一實！問他是否出院？他坦言：「未出得住。（幾時出得？）最快都要聽日。（你依家去邊？）我同朋友有啲嘢要傾，之後會返嚟。（醫生有冇話你身體點？）醫生話我好好。」至於之前的檢查報告出了沒有，他未有回答便登車離開。

　　終年95歲 陳百強爸爸陳鵬飛離世

　　已故藝人陳百強（Danny）父親陳鵬飛離世，終年95歲。資深傳媒人查小欣證實消息，並在社交網發文悼念：「據知老人家有福氣，走得安詳，喫完早餐，上了洗手間後頭暈，跟着便走了。」

　　問她陳爸爸是否4月5日離世？她說：「應該是，因爲今早（6日）收到消息話系尋日。」她又透露陳爸爸生前點滴：「只知（陳爸爸）去世前如常返鋪頭及飲茶，每日中午一點幾，他都會去陸羽同仔女一齊飲茶。」至於陳爸爸仙遊原因，她表示不太清楚，因其家人似乎想保持低調。

　　而跟陳爸爸長子陳百靈相熟的DJ車淑梅回覆媒體，表示已致電慰問陳百強長兄陳百靈，她指陳百齡表示：「阿爸去得非常安詳，沒有半點兒痛苦的跡象，多謝大家關心。」又表示一年多前曾欲聯絡陳爸爸接受訪問，重溫陳百強的軼事，不過陳家指父親健康欠佳而婉拒了。

　　去年環球唱片公司曾舉行陳百強60歲冥壽紀念演唱會，環球董事總經理黃劍濤表示：「尋晚收到呢個消息，非常shock，非常尊敬呢位長輩，稍後一定會出席喪禮，送對方最後一程。」