【中距賽練必備】前所未有的彈！ FuelCell緩震+碳纖板+靚色今季must buy跑鞋

因為肺炎肆虐，健身室、瑜伽中心通通暫停營業，想繼續keep住運動，真係唔容易。最簡單方法莫過於跑步，一個人著對跑鞋就可以起行，唔怕違反限聚令被罰2000。不過講到尾就係少咗份推動力，最近見New Balance有新FuelCell TC推出，中底加咗我最愛嘅碳纖板，忍唔住即刻著上腳試下，果然係彈力無窮。

多層全掌碳纖板承託

之所以叫「TC」，原來係代表 Training同埋 Competition 的意思。New Balance今次新作，全掌都有多層全片碳纖板承託，喺前掌屈摺到離開地面時提供額外的推動力，同時亦強足弓效能。再配合品牌嘅大數據科技、動態軌跡設計等等，令全新 FuelCell TC 成為跑鞋系列嘅旗艦新作。

中底FuelCell終極回彈緩震

呢對專為專業馬拉松跑者而設計的競速訓練跑鞋，用上最新改良的 FuelCell 中底科技，滿滿的 FuelCell 泡綿，帶來無死角的緩震與能量回饋。鞋身超輕，鞋面以網布加上 TPU 材質製作，貼腳之餘亦透氣，即使腳汗多的跑者亦唔使擔心跑完除鞋嘅味覺震撼。

好多時跑鞋鞋面同緩震仲好地地，但因為鞋底磨曬而被迫退役，FuelCell TC的鞋底就採用磨前腳橡膠外底，無咁易蝕底之餘，仲提供額外穩定性。（New Balance FuelCell TC 男女裝 MRCXWM HK$1,499）

最強競速之作 FuelCell 5280 一同登場

除了同時滿足馬拉松和練跑需求的 FuelCell TC 之外，New Balance 更呈獻上最強競速之作 FuelCell 5280。「5280」是 1 英里換算成英尺單位後的數字，代表着新作 FuelCell 5280 作為 Mile Run 賽道上最速跑鞋的地位，而在 2018 年 NYRR 5th Avenue Mile 賽事上，Jake Wightman 與 Jenny Simpson 就正穿上 New Balance FuelCell 5280 的原型鞋款而稱霸男、女子組。除了跟 FuelCell TC 一樣搭載終極緩震的 FuelCell 科技、以及內嵌碳纖維推進板外，FuelCell 5280 更透過觀察分析跑者腳掌運作的 1/10 秒慢速影像，從而帶來呈現 17 度傾斜上揚的前掌設計，從而讓跑者得到最多的額外推進動力，以達至最速表現！（New Balance FuelCell 5280 男女裝 M5280SOL HK$1,599）

今次的 FuelCell 5280 更是限定於 newbalance.com.hk 網店獨家發售，方便大家安坐家中輕鬆選購。