【端午玩命】用錢買命豪使賴嘢

今日飲完支 Alsace 嘅 Gewurztraminer，都係一個幾完美嘅終結！
就由星期五講起，睇嚇可以講幾多。

由於星期六要去品酒K.O. 嘅關係，
身於酒控嘅我，當然要去武器店買一把雪飲狂刀先啦！
去到又一城嘅ENOTECA,
佢都威喇，佢係我第一間，亦係暫時最後一間拎列 Membership Card 嘅 Wine Cellar！
講真，佢又幾抵嘅，你只需消費滿＄800 就可以成為會員，
之後可以買酒有折，又有 Wine Tasing，有啲仲要係免費添！（ Disclaimer：我唔係以上店鋪之股東！）

佢主要係賣波爾多酒為主，另外都有自家品牌嘅酒啦！
不過本人就唔係太得波爾多嘅酒，因為作為一個初學者，
佢有太多嘢要學喇，由地區，地區主要出產咩酒，而法例又規定一定要有咩嘅葡萄，地區又有咩出名嘅酒莊......
真係太多學問，就係因為咁，佢嘅味相對複離，
作為喱民，係非常唔建議大家去飲波爾多！除非係 Chablis，
因為佢一定係﹪100 Chardonnay！
鑑於我唔見咗之前 Chablis 嘅資料，
所以今次去我就決定要一支！
入到去第一時間問佢：「有無 Chablis 呀？」
佢話：「有！」
我就第一時間去睇啦，點知得兩支......
咁大間嘢，又有啲名，又賣法國酒，你得兩支 Chablis ？！？！
好！咁我望望！
佢話一支無咁甜但出名啲，另一支就甜但無咁有名氣，
我諗咗一陣出彈出另一個奇怪問題：「食糉應該襯咩酒好呢？」
頓時一股冷風飄過，先生，糉唔係應該襯茶咩？！？！
但作為一個酒控，一個相信奇蹟嘅酒控，
當然係酒不離身啦！
佢地就建議 Gamay 嘅 Beaujilais ，貪佢夠甜，少單寧！
但我覺得太甜，唔夠 Refreshing ，驚襯唔掂啲糉，
最後我就揀咗甜啲 Chablis！
第二支喇，我想要支唔係太濃味嘅紅酒，咁我第一時間諗 Merlot，
佢就介紹我飲支阿根廷嘅 Malbec ，佢話好飲，單寧唔重，比較滑，
好，信你！！
第三支係我唔經唔覺買嘅！
話說門口有三支酒，做緊 Promotion，有得試飲，
我呢啲喱民當然第一時間僕去試啦，
三支都係法國酒，好似都係 Cabernet Sauvignon，
第一支，略酸，果味唔太濃鬱，
第二支，幾酸，果味都幾好，
第三支，略酸，幾有果味。
最後我揀第三支～
貪佢夠酸， Refreshing 啲！
就係咁，用咗我四百幾蚊！ ...... （又長得滯，聽日繼續)