我屋企亲戚比较少
新年对我嚟讲唔系大节日
只系多几日假，多几日宅系家

小时候会比较好，年初一年初二都会去亲戚家，去下黄大仙，去下玄圆学院
除此已外，我嘅记忆只有商场楼下嘅小贩档

当年长发嘅小贩档系香港好出名㗎
有朋友话佢会专登系九龙塘楂车嚟长发买宵夜

我最钟意落足料嘅碗仔翅，记住我系唔钟意加糊椒粉嘅＊


有即叫即整嘅蒸肠粉
（睇住肠粉叔叔徒手整肠粉，好似唔觉热咁
薄薄嘅肠粉皮包住只双大虾
砌开旧旧都有虾，真系好足料）

仲有煎酿三宝，青椒红椒茄子豆腐红肠，sorry，其实我每次都净系叫鱼蛋
卖煎酿三宝嘅姨姨系妈妈嘅朋友，
我记得佢戴住条珍珠颈链，好快手咁将啲鱼肉放落滚油到炸
跟住就会炸到个波咁大嘅鱼蛋
当然，我都有虎视瞻瞻隔离只炸脾啦！

商场楼下嘅小贩档，大家都好有秩序咁卖紧自己嘅名菜
炸大肠啦、臭豆腐、卤水墨鱼、鸡蛋仔、夹饼、糖水⋯⋯
大家兵分几路买心头好再系屋企分嚟食
呢个，系属于我的新年味道