香港娛樂圈中，夠年資講「入行六十年」的藝人，恐怕五隻手指數得曬。

薛家燕是其中一個，既夠年資、仍繼續活躍圈中，可以開騷紀唸的藝人。

六十年，一甲子，其實已經是幾代人的時間。

六十年前的戊戌狗年，八歲的薛家燕因為替爺爺賀壽上臺做戲，機緣巧合之下成為童星，轉眼一夢，就已經六十八歲。

「我的人生活得很精采，也慶幸是順境多、逆境少，婚姻幾年確係難過，但又幸運地有很多人支持，逆境變順境，所以我信天無絕人之路。」

說時不無感歎，也充滿對人生際遇無常的懷思。

「要有決心、要有耐力，最後原來很多事都真係可以做到。」

當然，六十年一夢間，也很講「運氣」，就如這個「八」字尾的年頭，她達成了一個六十年來的心願。

「其實好多年前已經想開紅館騷，但總係抽唔到，入紙都冇位呀！你估紅館咁易有位呀？反而今年一早知好忙（六月做奶奶娶新抱），所以諗住是但啦！照入紙試?，點知今年就竟然得?！人生第一次呀！」

雖說薛家燕登臺經驗極度豐富，但首次開紅館騷，還是「緊張」得要命。

「唔係緊張唱咩歌、跳咩舞，十字步就當然有，仲有新動作添！係緊張嘉賓太多，真係唔知點安排。工作人員問我，到底想個騷做足八個鐘？定係我唔好唱喇！畀曬嘉賓唱已經夠曬鐘？」

六十年演藝歲月，究竟可以有幾多朋友、幾多嘉賓？

撰文☆梁文威　攝影☆何國豪

場地提供☆天下第一準揚菜　設計☆李浩然

講開好多古

薛家燕這個六十年的約會，暫時已經應承可以安排時間出席的，以兩晚不同嘉賓來算，竟然有七十多人。

「嘉賓太多，唔好計唱歌跳舞，淨係臺上講古，可能都講幾個鐘，都未講得完。」

薛家燕講古，確實有排講，就如她如何八歲入行，也算是一段奇遇。

「一九五八年，爺爺生日，當時全個家族慶祝，擺酒幾十圍?，包了一間酒樓四層樓。當年有很多娛樂圈、電影圈人都是坐上客。那個年代，擺大壽是很大的活動，必定會建起一個戲棚做戲，我就和十五個小朋友一齊合作做了一場賀壽戲，當時餘麗珍也在場，見到我好得意，做戲又好，就叫我去片場拍戲，當時只係當玩，冇打算入行，拍的第一套戲是《七兒八女九狀詞》。有次在片場拍緊戲，剛好「波叔」梁醒波在隔離廠，見我在走廊玩得好開心，就過?同我傾偈，又問我叫咩名，我當時換緊牙，講?唔正，就話自己叫做『雪茄煙』。當時波叔正拍緊《人頭審皇帝》，有位童星小白雪病了，於是波叔就臨時拉伕，即場拉?我過隔離廠幫手，部戲演出?全部都係當時的超級大明星，任劍輝、林家聲、陳寶珠，開心到我癲，於是一日就拍了兩場戲，有十蚊人工。」

當時就是準備拍完兩部戲就算，完全是玩票性質。

「其實都係玩，八歲小朋友邊識咁多，爸爸其實想我專心讀書，這個時候爺爺就出場，他多年來一直研究八字命理，幫我推算之後，就說：『細麗（家燕姐乳名，因為她的家姐叫大麗）條命，入演藝圈的話，必定可以揚名四海！應該栽培佢！』」

就是爺爺一句話，薛家燕正式入行。

「之後就辛苦了，真係要開始學戲，爸爸請師傅回家教，日日五點起身開始行臺步、練功、打北派，練到手瓜起??，之後仲學芭蕾舞，算是自細就打好基礎吧！」

薛家燕一直視波叔為貴人，一直都很尊敬他。有關波叔，還有一件有趣回憶。

「記得我十八歲時，常常去東南亞登臺，更出了一隻英文歌唱片，當中有首歌叫〈Unchain My Heart〉，當年賣了四十萬張，好受歡迎。有一次波叔搵我，話佢就?要去星馬登臺，當地朋友叫佢一定要唱一首歌，叫〈堂前賣鴨〉，話係家燕唱?，所以佢就特登來問我點唱。我當堂笑到反轉，但回想返，一位前輩竟然會調轉頭，問我這樣一個小小後輩，點樣去唱一首歌，你話波叔係幾值得尊敬！」

1.七公主（左起）馮素波、沈芝華、陳寶珠、蕭芳芳、薛家燕、王愛明及馮寶寶，相信十二月尾，將會齊集紅館舞臺。

2.薛家燕最初與胡楓合作，是飾演他的兒子，想不到後來竟然變成演他的情人。

3.這張〈Unchain My Heart〉唱片，賣了四十萬張，讓薛家燕紅遍星馬，就連梁醒波去登臺，都要唱〈堂前賣鴨〉。

▲《七兒八女九狀詞》，是薛家燕（右一）真正拍攝的第一套電影，但同期她又拍了梁醒波的《人頭審皇帝》，初次做童星就一日開兩廠。

七公主與三小生

薛家燕講古，當然又要講到七公主，這次她開騷，二話不說，七公主都應承要上臺。

「問都不用問，淨係話要畀多點時間她們綵排。你知啦！芳芳（蕭芳芳）身體不舒服，沈芝華住上海要專程回來，馮寶寶也不住香港，要多點時間準備，素波姐姐當然也是，總之就好開心。」

說起七公主，當然又是講不停。

「七公主，對我來說是一件難以忘記的事，其實論出道先後，我是七公主中最遲出道的，所有人都是我的前輩師姐，想起我們當年細細個，就一齊在片場拍戲、玩樂，真的好開心。年紀最細可能是馮寶寶，但她非常聰明、演戲非常利害，當年她可以一個人記曬我?所有人的對白，邊個唔記得臺詞佢都可以提，真係寫個『服』字。我們是一九六四年結拜，到二○一八年是五十四年，幾十年姊妹情啊！」

三個小生，也是薛家燕問也不用問，就一定會來的嘉賓，當然也有很多古。

「修哥（胡楓）、曾江和四哥（謝賢），都係合作很多年的好朋友，也是必定會來。修哥話有乜幫手一定到、曾江話我開騷冇理由冇佢，四哥就話睇住我大，點都要來唱首歌。他們都是當年紅極一時的男主角，都是我從小認識到大的哥哥。修哥，我最初是演他的兒子（係兒子呀！唔係女！），之後變成佢個妹，再之後係情人。曾江就初時係妹，後來變情人。反而四哥其實沒有真正合作，但當年他追求芳芳的時候，常常來片場探班，買好多零食來，所以我好鍾意見到佢。」

有說她這次可以順便為曾江和四哥做和事佬，不過：「其實他們以前從來都沒有真正鬧過交，冇事?！」

講極未講完

其實，家燕姐講古，應該勁過榕樹頭阿伯，如果她有時間講、我有時間聽，相信不止三日三夜。

話說又講到成龍大哥，原來早在兩人十幾歲時已經結片緣。

「成龍好似冇乜合作過，其實唔係，我?十幾歲拍武俠片時，他們七小福就做龍虎武師，常常演被我們拮中的壞人，原來我當年常常拮到他們好痛，細個拍武打片不懂得就力嘛！哈哈！」

繼而又要多謝羅嘉良和呂良偉。

「當年拍《富貴門》，我患了急性肺炎，本來真係要頂硬上拍攝，但他們兩個非常好人，專登停拍讓我可以休息一個月，他們就先回北京繼續其他工作，之後再自費買飛機票和度期回港拍餘下戲份，我真的非常感謝他們，如不是可以休息回復體力，可能我&#134513家身體會差好多。」

當然，還有她六十年來的粉絲，拍攝《真情》和《皆大歡喜》時的同事和朋友、《流行經典》的歌星嘉賓，真的多到講也講不完。

「其實仲有神祕嘉賓，好多年都未見的人會出現，就同大家賣個關子先！」

▼薛家燕入行六十年，第一次開紅館騷，成龍亦拍片支持，更講述二人從前拍戲的故事。

▲《真情》和《皆大歡喜》，都是薛家燕的「長壽」劇集，現在仍不時於深夜重播，更不時發生夜晚睇完《流行經典》，深夜就再睇《皆大歡喜》的薛家燕之夜。

你?畀我??得唔得？

一八年，家燕姐真係好鬼旺！

先是《流行經典》長做長有，最新消息會拍到一九年年中。

「我做人算係咁，《真情》、《皆大歡喜》到《流行經典》，次次都做到一些長壽好節目。」

工作演出不斷，訪問當天的前一日，她才剛剛做完郵輪騷，兒童教育中心生意亦上了軌道。

兒子今年結婚，六月做「奶奶」，大排筵席開心又燦爛，十二月尾又順利開人生第一場紅館騷。

一八年，家燕姐確係旺到「唏呀唏呀唏、唏呀唏呀唏！」 勁跳「十字步」。

不過，訪問的最後一刻，我問了一個似乎不該問的問題。

「家燕姐今年咁高與，會唔會順手抱埋孫添呀！」

這一刻，我真的見到，家燕姐的表情十足十變成「阿寶」。

「個個都問我幾時都做阿?，喂呀！他們六月至結婚，生仔都要有時間！若果真係生小朋友，咁我要湊孫喎，今年咁忙邊度得閒呀？最快都要出年下半年先至好，唔係我真係唔得閒呀！」

明顯地，家燕姐的潛臺詞是：

「大佬呀！你?畀我??得唔得？」

跟住仲要補多句：

「日日做到冇停手，我&#134513家一日先?得三、四個鐘咋！仲話抱孫！」

▲六月剛剛成為燦爛奶奶娶新抱，這兩、三個月就不停被人問幾時抱孫。

3

▲《機動戰士高達》主角阿寶，近年成為網絡cap圖王，本來是表達「人類總要犯相同錯誤」，但由於出場率實在太高，連動漫人物都覺得?，於是就被改造為「畀我??得唔得」系列。