人稱德哥嘅無線監製潘嘉德，人緣一向極好，昨晚佢喺中環一間酒家擺70大壽壽宴，筵開35席，除咗花旦小生空群出動外，昔日合作過嘅圈中好友紛紛到賀，包括汪明荃、梁漢文、宣萱、周勵淇、楊怡同老公羅仲謙、謝天華、譚玉瑛、梁舜燕、林峯、李克勤夫婦，單立文同太太、 陳煒、梁漢文、湯洛雯、李添勝、梁家樹、高海寧、黃智賢、陳智燊同老婆宋熙年、趙希洛、梅小青、德哥昔日訓練班同學談泉慶、賴水清等等，場面熱鬧過無線台慶。

德哥係無線第4期藝員訓練班畢業生，同期同學有杜琪峯、黃杏秀等等，但畢業冇幾耐，德哥就轉去幕後發展，80年代尾開始喺無線擔任監製，作品包括《卡拉屋企》、《刑事偵緝檔案》、《鑒證實錄》、《衝上雲霄》同《On Call 36小時》等等，係無線金牌監製，不過效力無線43年嘅佢，最終係今年5月退休離開娘家。

就連近年主力喺內地發展嘅陳鍵鋒都有現身！

加埋同場嘅吳卓羲、林峯以及馬國明，就係當年無線古裝劇《少年四大名捕》嘅經典組合！近年四位小生各散東西，難得可以再聚首一堂，梗係把握機會合照留念，即令網友紛紛表示回憶返曬嚟，不過就有網民笑指呢張合照仲少咗一樣嘢，就係輪椅，事關「無情」林峯喺劇中以輪椅代步，如果有埋呢個道具就真係「神還原」！

做咗人母嘅胡杏兒就喺微博上載加上人妻楊怡嘅六人大合照，不過佢就覺得差咁個人，佢就係葉璇喇，杏兒留言：「難得的合照，我覺得還差葉璇，你們覺得呢？」而被tag嘅葉璇就上載自拍回應：「我正在地鐵站通頂演持槍悍匪啊！我的心跟你們在一起」

看到這麼多藝人在場，網民都好感慨話「這才是TVB的感覺」，諗番起嗰一個年代嘅TVB劇集呀！

本文來源 

網路

版權歸原作者所有

商務合作QQ：2777140739

推薦閱讀：

相关文章