人称德哥嘅无线监制潘嘉德，人缘一向极好，昨晚佢喺中环一间酒家摆70大寿寿宴，筵开35席，除咗花旦小生空群出动外，昔日合作过嘅圈中好友纷纷到贺，包括汪明荃、梁汉文、宣萱、周励淇、杨怡同老公罗仲谦、谢天华、谭玉瑛、梁舜燕、林峰、李克勤夫妇，单立文同太太、 陈炜、梁汉文、汤洛雯、李添胜、梁家树、高海宁、黄智贤、陈智燊同老婆宋熙年、赵希洛、梅小青、德哥昔日训练班同学谈泉庆、赖水清等等，场面热闹过无线台庆。

德哥系无线第4期艺员训练班毕业生，同期同学有杜琪峰、黄杏秀等等，但毕业冇几耐，德哥就转去幕后发展，80年代尾开始喺无线担任监制，作品包括《卡拉屋企》、《刑事侦缉档案》、《鉴证实录》、《冲上云霄》同《On Call 36小时》等等，系无线金牌监制，不过效力无线43年嘅佢，最终系今年5月退休离开娘家。

就连近年主力喺内地发展嘅陈键锋都有现身！

加埋同场嘅吴卓羲、林峰以及马国明，就系当年无线古装剧《少年四大名捕》嘅经典组合！近年四位小生各散东西，难得可以再聚首一堂，梗系把握机会合照留念，即令网友纷纷表示回忆返晒嚟，不过就有网民笑指呢张合照仲少咗一样嘢，就系轮椅，事关「无情」林峰喺剧中以轮椅代步，如果有埋呢个道具就真系「神还原」！

做咗人母嘅胡杏儿就喺微博上载加上人妻杨怡嘅六人大合照，不过佢就觉得差咁个人，佢就系叶璇喇，杏儿留言：「难得的合照，我觉得还差叶璇，你们觉得呢？」而被tag嘅叶璇就上载自拍回应：「我正在地铁站通顶演持枪悍匪啊！我的心跟你们在一起」

看到这么多艺人在场，网民都好感慨话「这才是TVB的感觉」，谂番起𠮶一个年代嘅TVB剧集呀！

本文来源 

网路

版权归原作者所有

商务合作QQ：2777140739

推荐阅读：

相关文章