無線花旦李施嬅昨晚在加拿大出席有「加拿大奧斯卡」之稱的《2019年加拿大銀幕獎》（2019 Canadian Screen Awards），她憑加拿大劇集《Blood And Water》（血與水）第三季競逐女配角獎項，更是頒獎禮唯一華人候選者。可惜最終輸給勁敵68歲英國資深演員Geraldine James。落敗的李施嬅直言輸得心服口服，大讚Geraldine James實至名歸，能夠與她競逐獎項已經覺得太榮幸，她說：「佢喺英國、國際上都攞過好多獎項，其實知道佢參賽，心裏面都打定輸數，自己抱住享受心態參加。」

　　雖然失落女配角獎項，但以熒光裙搶鏡示人的李施嬅卻有意外收穫，更爲自己洗去「污名」！她笑說：「揀咗條熒光裙出席，好意外不停好多人讚我衣着，仲攞咗個非正式嘅獎項『最佳服裝獎』。司儀喺臺上宣佈，因爲唔識我，仲叫我做「熒光裙女孩」，大家都講緊我條裙，好受寵若驚，好開心、好驚喜。以前胡說八道會班姊妹狠批我衣着，仲話要燒咗我個衣櫃，今次攞咗呢個獎終於洗脫污名喇，哈哈。」

　　李施嬅又指今次在外地行紅地氈感覺像一個新人，因大家也不認識她，感覺好像重新開始，感覺有趣。