Jessica笑指戲中古仔演的「汪新元」很怪。

古天樂與宣萱（Jessica）早前為主演的懸疑電影《犯罪現場》拍宣傳海報，工作人員特意為Jessica準備蛋糕，補祝生日。突然收到蛋糕的Jessica非常驚喜，她邊喫蛋糕邊說出生日願望：「希望大家健健康康、開開心心！」 

過咗生日仍收到蛋糕慶祝，宣萱感到好驚喜。

當宣萱在攝影室看到工作人員捧著蛋糕走來時，她不禁興奮高呼：「Oh My God！我扮睇唔到！」古仔、馮志強導演為她唱生日歌後，一同合照留念。Jessica 表示非常驚喜、意想不到：「因為已經過咗正日，所以估唔到佢哋會準備，再加上人愈來愈大，好少會去慶祝生日。」Jessica喫著蛋糕笑說「好味呀！好肥呀！」更滿足地說：「大家可以平靜地，簡簡單單食住蛋糕咁過已經好開心。」

宣萱、古天樂

多年沒有接拍電影的Jessica，今次拍攝時重遇不少相熟的演員及幕後班底，包括繼電視劇《尋秦記》後相隔17年再度合作的老拍檔古天樂，Jessica笑指戲中古仔演的「汪新元」很怪，跟他真人差不多，都是少說話。

宣萱、古天樂

宣萱笑指戲中古仔演的「汪新元」很怪，跟他真人差不多。

二人在戲中演包租婆及租客，關係曖昧，Jessica津津樂道地說：「佢哋最正嘅地方就係表面上無嘢，係空氣裏面會feel到好似有嘢會發生，但係end up係冇嘅，好多戲嘅感情線，或者拍拖都係，拍咗就冇咗好開心好特別嘅感覺，永遠最特別係好曖昧嘅時候，但佢又冇其他戲嗰種咁明顯，套戲最特別係呢個地方，劇本寫得好好，拍嘅時候我都覺得好得意，當你以為有嘢嘅時候，呃⋯⋯其實冇嘢發生！」

宣萱和古仔在戲中演包租婆及租客，關係曖昧。

宣萱、古天樂