魚旦仔Boxing Day開始病了~~! ! !  

又咳又流鼻水~ 於是立刻同佢去左荃灣間城市獸醫度睇~~ 因為上網睇過話荃灣至好應該係呢家~~ 去到係個女Vet睇的，我覺得佢... 好求其... 好似係咁而聽下就俾藥.. 又唔主動解釋，同埋都唔覺佢好愛鍚狗狗 (我一路都覺得vet應該係好愛心爆棚的! 見到狗仔會變聲o個D.. ) 而且佢D藥食左幾日，魚旦仔好似重嚴重咗天! 

於是尋日又落左去再睇~ 今次指明要睇個鬼佬肥醫生 (話說係診所老細)~ 佢就真係講得好詳細，同埋知道魚旦仲好細個所以recommend我地俾佢聞氣同埋轉隻勁D的葯，魚旦仔食左2日葯聞左2日氣好似真係好番D咁~ 仲重左天! 感謝上帝! 不過佢仲要去多起碼3日呀~ 因為要聞多3日氣~ 如果仲唔好.. 咁就..... 要再諗辦法囉! 不過我相信魚旦咁精靈活潑實唔會有樹o既!

另外，尋日去到vet度~ 親眼目睹一件不人道事件! 話說有個男子帶隻八哥去診所~ 話係隻八哥主人掟低佢響petshop，話叫佢地帶佢去睇醫生，但係乜都無講低，係咩病又唔講。結果診所CHECK到佢之前病歷，話佢應該係腸胃炎之類，如果要醫就要先吊鹽水，起碼都四五千蚊，之後仲會有其他治療要做。petshop轉述俾個主人聽之後，o個個人就話"bart"左佢~ !!  隻八哥三個月咋~ 我同chris都估佢地可能覺得買過隻仲平過醫佢... 唉..

同埋，雖則肥醫生都幾OK... 但係都係覺得佢地好似好.. commercial咁... 因為佢知道魚旦只係黎左我屋企幾日，所以佢類似叫我去PETSHOP度換.. 我o個時淨係擰左頭，但係個心就覺得唔係幾舒服...  你估真係件衫污糟左拎去換咩 

anywayz.. 呢幾日我地都intensive地睇實魚旦仔~ 好彩佢食得訓得痾得仲好精神!! 希望佢快D好番~~ 咁就可以同朋友仔反啦~~~