鱼旦仔Boxing Day开始病了~~! ! !  

又咳又流鼻水~ 于是立刻同佢去左荃湾间城市兽医度睇~~ 因为上网睇过话荃湾至好应该系呢家~~ 去到系个女Vet睇的，我觉得佢... 好求其... 好似系咁而听下就俾药.. 又唔主动解释，同埋都唔觉佢好爱钖狗狗 (我一路都觉得vet应该系好爱心爆棚的! 见到狗仔会变声o个D.. ) 而且佢D药食左几日，鱼旦仔好似重严重咗天! 

于是寻日又落左去再睇~ 今次指明要睇个鬼佬肥医生 (话说系诊所老细)~ 佢就真系讲得好详细，同埋知道鱼旦仲好细个所以recommend我地俾佢闻气同埋转只劲D的药，鱼旦仔食左2日药闻左2日气好似真系好番D咁~ 仲重左天! 感谢上帝! 不过佢仲要去多起码3日呀~ 因为要闻多3日气~ 如果仲唔好.. 咁就..... 要再谂办法啰! 不过我相信鱼旦咁精灵活泼实唔会有树o既!

另外，寻日去到vet度~ 亲眼目睹一件不人道事件! 话说有个男子带只八哥去诊所~ 话系只八哥主人掟低佢响petshop，话叫佢地带佢去睇医生，但系乜都无讲低，系咩病又唔讲。结果诊所CHECK到佢之前病历，话佢应该系肠胃炎之类，如果要医就要先吊盐水，起码都四五千蚊，之后仲会有其他治疗要做。petshop转述俾个主人听之后，o个个人就话"bart"左佢~ !!  只八哥三个月咋~ 我同chris都估佢地可能觉得买过只仲平过医佢... 唉..

同埋，虽则肥医生都几OK... 但系都系觉得佢地好似好.. commercial咁... 因为佢知道鱼旦只系黎左我屋企几日，所以佢类似叫我去PETSHOP度换.. 我o个时净系拧左头，但系个心就觉得唔系几舒服...  你估真系件衫污糟左拎去换咩 

anywayz.. 呢几日我地都intensive地睇实鱼旦仔~ 好彩佢食得训得疴得仲好精神!! 希望佢快D好番~~ 咁就可以同朋友仔反啦~~~