極長～濃密～黑實！Maybelline飛翹PUSH UP極濃黑睫毛液打造芭比大眼！
0
講緊纖長～濃密～又黑實嘅眼．睫．毛呀！心邪嘅你諗咗去邊？係女仔都想擁有一對芭比大眼電死人，但原來癡得多假眼睫毛係好傷原生睫毛！癡得唔好效果仲勁假，會比人笑係「曱甴腳」㗎！植眼睫毛又容易折斷原本脆弱睫毛，以後想真睫毛生返出嚟唯有等了又等，只會難上加難！
最近Maybelline新出咗支 飛翹 PUSH UP 極濃黑睫毛液 The Falsies PUSH UP Angel，輕鬆一掃就可以打造出一對精靈嘅Barbie大眼！睫毛翹長效果持久又自然，終於唔洗傷害原有睫毛，或者貼厚重又唔舒適嘅假眼睫毛上眼啦！
飛翹 PUSH UP 極濃黑睫毛液 The Falsies PUSH UP Angel （建議零售價 HK$129）
睫毛液以獨特長短齒刷頭設計，可以掃出有如展開天使翼般纖長濃密嘅睫毛～單邊梳頭亦方便控制，避免掃出界、眼皮及眼底。例如短齒梳就方便貼近眼頭及睫毛根部，令睫毛根根分明，唔會癡到一舊舊；長齒梳就令睫毛更能向上而外伸延，效果自然而持久翹長。
睫毛液的滑順濃黑防水塑型膏體質地細緻滑順，唔易結塊及暈染化開，令睫毛全日輕盈挺翹！
就好似男人怕脫髮，女人就最怕甩眼睫毛。經常植睫毛、夾睫毛、貼假眼睫毛或捽眼，都好易整斷眼睫毛！而等睫毛重新生長大約需要2個月咁長時間，所以貪靚的女子們宜選擇多用睫毛液，同埋多讓眼部休息，好好呵護一雙芭比大眼啊～
Maybelline New York 飛翹PUSH UP極濃黑睫毛液 The Falsies PUSH UP Angel 於Maybelline專門店及莎莎有售：bit.ly/2zoPAVw 。
這篇文章 極長～濃密～黑實！Maybelline飛翹PUSH UP極濃黑睫毛液打造芭比大眼！ 最早出現於 GIRLTALK 有班女仔。