【温韾相架】自制立体相架 + 亲子互动 + 一起做超简单
过咗圣诞节,嚟梗又新年,新年之后话咁快又嚟到情人节。
今次想同大家分享立体相架,做法其实超级容易,材料亦好简单。
只需要一个木盒仔做相框,同一张相片冲晒数张 (相片数量视乎你想做几立体)。
首先同大家分享,我哋做俾和牛姨妈嘅礼物先。
工具及材料:
相片至少5张 (相同的)
剪刀、界刀、双面胶纸、透明盖小木盒、马赛克手工贴。
做法:
1.将其中一张相片剪裁到可以放入相框内。
2.将相片入面人物、背景一一剪出嚟,如果有啲位太细致建议用界刀。
3.以上步骤重复,而每张相亦可以剪出唔同范围,增添层次、立体感。
4. 将马赛克手工贴贴到第一张已剪裁嘅相片背面,尽量贴多少少,因为要作为承托之用。
如果想有更明显嘅凸出效果,可以再贴多一层或更多层马赛克手工贴。
5. 于马赛克手工贴上再贴上双面胶纸,以接合原相(背景)
6. 重复以上步骤
7. 如果想有明显凸出嘅效果,剪裁得更仔细,每层马赛克手工贴都有不同层次,就会做到立体感。
制作家庭相,其实相片背景愈丰富,立体感系愈好o架。
不过,睇晒咁多全家幅,我都系拣咗有Peppa Pig嘅相。
剪呀剪,剪呀剪,剪完之后个画面好辛苦~~见到好多个自己嘅分身。
静静地制作,我大概用咗1-2小时就完成。
呢个手作,其实都可以同小朋友一齐做,仲可以训练小朋友手指仔嘅肌肉。
小木盒可以喺Aeon Living Plaza ($12店)到有得买。
--------------------------------------------------