12月真系一个超开心嘅月份，今个圣诞前夕我哋仲去咗香港海洋公园玩，嚟呢到朝圣!!

因为~~港人熟悉同埋原创卡通可爱嘅小猪「麦兜」嚟咗香港海洋公园呀!!!今年香港海洋公园嘅主题系「海洋公园圣诞全城HO HO HO」。

而今次最触目嘅，就系全港首个麦兜音乐剧场「麦兜。出走的鱼蛋」。鱼蛋弟弟同麦兜仲成为咗今年海洋公园圣诞最人气嘅人物添呀～～成条老大街都有佢哋嘅摊位游戏奖品！！样样都想抢返屋企呀！！

 

「麦兜。出走的鱼蛋」音乐剧场
「麦兜。出走的鱼蛋」音乐剧场，每日只演四场，所以要留意场次同埋预定时间去排队呀～

同场仲有吴君如鬼马声演「麦太」一角，成个音乐剧场嘅内容都都风趣、幽默，大人细路都睇得超级开心呀！！

和牛B同牛爸都睇得超级开心

每场大概30分钟，呢30分钟真系超开心，直情觉得唔够喉好想再睇一次呀~~

 

完场后，仲可以同演员拍照留念~

当日四场为: 11am. / 12:30pm. / 4:15pm. / 6:15pm.
另有一场系智纷全年证嘅专属场次: 2:15pm.

**但确实场次，大家还是跟海洋公园为准吧~

 

打卡热点。闪亮互动圣诞树

今年香港海洋公园有棵40呎高嘅巨型圣诞树，圣诞树绕上LED萤幕丝带，唔好以为无乜特别!! 其实佢系一棵「放闪圣诞树」，只要将你嘅相片Upload到Instagram再加上Hashtag 「#opxmas2018」，大概一分钟左右，相片就会显示喺LED萤幕上面o架啦!! 而今次呢棵圣诞树亦系「德国HiPP喜宝呈献：闪亮互动圣诞树」。

**Upload嘅同时记得留意要将帐户设定为公开先会显示到o架

 

睇完麦兜嘅音乐剧场之后，当然唔可以错过麦兜同麦唛嘅见面会啦~~

麦兜同麦唛会喺老大街嘅电车前面等大家同佢影相留念o架~

当日见面会时间如下; **确实见面会时间，请依照海洋公园当天时间为准。

而老大街除咗有麦兜同麦唛嘅见面会之外，仲会有香港怀旧经典人物：马姐、女杀手、筷子姊妹花等经典人物出现，同大家影相留念同埋玩~

老大街仲有麦兜卡通公仔嘅影相位

喺老大街见到包租婆呀~~和牛B好惊呀~

老大街嘅摊位游戏奖品超吸引，有麦兜、菇莳、鱼蛋弟弟~系咪好想要呢??

呢只系鱼蛋弟弟珍宝奖~超大呀! 不过，和牛B嘅目标系细只鱼蛋弟弟。

埋头苦「掟」嘅和牛B

得偿所愿我哋掟到一只中奖嘅鱼蛋弟弟俾和牛B。

圣诞限定麦兜主题餐饮

成个海洋公园仲有超过30块圣诞限定嘅麦兜主题美食，老大街仲有香脆嘅春田花花脆卜卜盐酥鸡粒、春田花花香辣辣小食拼盒等!!!

 

而我哋中午去咗「熊猫荟」食咗麦兜春田花花圣诞旅行便当 ($228)，呢个餐盒超丰富呀!!

入面有虾肉薯仔沙律、酱烧三文鱼、烚健康蔬菜、日本珍珠香苗白饭、牛油蛋糕以及配上麦兜冬日圣诞特饮 (士多啤梨奶昔)

麦兜冬日圣诞特饮 (士多啤梨奶昔)

味道好好，唔会太甜，所以我都好放心俾和牛B饮呀~

唔系好大食，再抱住唔浪费嘅心态，另外点咗一份叉鸡饭三个人食。
刚刚好食得晒，唔浪费呀~

 

圣诞老人水晶屋

而圣诞节又点可能唔同圣诞它人见面呢?? 位于怡庆坊呢到，仲有圣诞老人水晶屋坐喺到等大家嚟同佢影相留念~

 

呢个亭不定时就会有芭蕾舞表演者企上去为大家为演~可能你去到会见有个人企定定唔郁，以为佢系雕像，但其实仍系一个活生生嘅人嚟o架~~佢会为大家作出不定时嘅表演o架~

 

场内近老大街旁仲有飘雪乐园，园内会不时洒出白色嘅泡泡，非常浪漫呀。

香港海洋公园仲安排咗多个合唱团嚟表演「圣诞欢乐颂」，佢哋真系唱得好好听呀。

圣诞节仲有部份圣诞商品，都好可爱呀~

十二月份惊喜优惠：
购智纷全年证或礼券可享六五折即日起至12月31日，可于海洋公园官方网站或邮寄购买3张或以上智纷全年证或礼券，即可享65折优惠，详情请浏览海洋公园网站（www.oceanpark.com.hk）。

 「海洋公园圣诞全城 HO HO HO」
活动日期：2018年12月15日至2019年1月1日
www.oceanpark.com.hk

相关文章