谢婷婷秘密产女后首度现身 V脸自拍完全睇唔出已做人母
艺人谢贤之女谢婷婷嘅感情生活一直都受外界关注，上月初突然喺社交平台上宣布，已秘密产女3个月。其后一直「神隐」不露面，直至今日终于现身！谢婷婷上载数张相片，只见谢婷婷生完到而家已经变返面尖尖，完全睇唔出已做人母！
撰文：KM | 图片：谢婷婷Instagram，谢霆锋weibo，新传媒图片库
谢婷婷秘密产女后首度现身
谢婷婷上月初突然喺社交平台上宣布已做了妈妈，中间嘅时间谢婷婷都只系间唔中post囡囡嘅手仔、脚仔相，自己嘅相片就好耐无见！今日罕有地贴出自己相片，从相片中可以见到谢婷婷好似同未生b之前一样，继续面尖尖，一样咁靓！
36岁谢婷婷宣布秘密产女
艺人谢贤同狄波拉囡囡谢婷婷嘅感情生活一直都受外界关注，以前曾高调同安志杰拍拖，可惜二人于2013年分手。其后，又盛传同荷李活影星「鹰眼」谢洛美维纳（Jeremy Renner）相恋，但男方最终否认恋情。近年已甚少在港现身的谢婷婷，自去年5月公开出席珠宝活动后，就未有再露面。今日，谢婷婷突然喺社交平台上宣布已做了妈妈，为不少人大为震惊！
BB出世100日
谢婷婷「失踪」近一年，今日就突然上载一张BB小手捉住大人嘅手指，更留言「You are my brightest light.」，并指「happy100days」 、「babygirl」，可见BB已出世3个月，更系女嚟，真系恭喜哂！
谢贤：总之开心啦
对于谢婷婷突然诞女，其经理人表示要了解生B一事，而谢婷婷爸爸谢贤就表示「总之开心啦」。另外，谢婷婷分享相片冇耐，就有唔少艺人留言恭贺，包括丁子高、钟嘉欣等。
延伸阅读：
【汤水药方】中医爸爸治疗女儿手足口病经验分享
【白色强人】朱智贤自爆曾被胞兄打 望与对方互相尊重
谢贤获颁「终身成就奖」
早前《第38届香港电影金像奖颁奖典礼》，大会就率先揭晓今届「终身成就奖」得主为谢贤。艺人谢贤虽然已82岁，但一直为香港电影及电视界默默耕耘，从1956年《遗腹子》饰演受尽后父欺凌，凄惨可怜嘅仔、1980年《千王之王》嘅「南神眼」罗四海、到前年喺电视剧《赌城群英会》中饰演向无名一角等，至今已从影67年，如今获颁最高荣誉终身成就奖，可见佢喺香港电影及电视发展上有重大贡献，恭喜晒谢贤！
最成功嘅「代表作」–谢霆锋
提起金像奖，好自然会谂起曾经攞过「最佳男主角」、谢贤大仔谢霆锋。1979年谢贤同同为艺人嘅狄波拉结婚，先后生咗谢霆锋同谢婷婷，不过二人最终都离婚收场。谢贤同狄波拉对仔女家教甚严，但偏偏霆锋年轻时较为反叛，曾因「顶包案」而要入狱14日。虽然如此，但随著霆锋逐渐懂事，喺各方面都有唔同嘅出色嘅成就。
谢霆锋17岁开始出道，凭著自己喺音乐方面嘅才华，喺香港乐坛打出一片天。除此之外，霆锋喺影视领域同样成就斐然，多次喺香港电影金像奖中获奖。近年，霆锋亦成功打造咗《锋味》呢个品牌，更喺全球厨艺大赛中获得冠军。谢贤培育出咁优秀嘅仔，可谓系佢一生中最值得骄傲嘅事！
谢霆锋：爸爸系心中嘅「最佳男主角」
2010年霆锋夺最佳男主角，感言中提及自己细个嘅时候，谢贤喺身边不断讲自己拍过几百小时嘅电视剧，几百部电影。直到18岁时，霆锋获颁「金像奖最佳新演员」，当时佢放咗个奖喺枱面，反问谢贤「你有冇攞过金像奖？」点知呢番说话一直哽喺霆锋心入面十几年，霆锋自知自己不知天高地厚，更对住镜头讲：「希望佢原谅呢个不知天高地厚、无礼貌嘅小朋友，要凑大一个咁难教嘅细路、每日笑面迎人，你至系最佳男主角。老豆，对唔住。」
从前父子关系 不太亲密
睇返谢贤嘅家庭生活，虽然当年佢同狄波拉离异，但离婚后一直保持友好关系；而谢贤由于多年来忙于工作，对一对子女谢霆锋同谢婷婷相处嘅时间少，关系既远且近。
霆锋同谢贤曾经喺节目中透露，两仔爷嘅关系不太密切，问到谢贤有多了解儿子霆锋时，佢指：「呢个好难讲，因为我同跟佢真系唔系好熟，因为各自有工作，佢日日飞嚟飞去拍戏，有时候三、四个月都唔会见上一面，连电话都冇。」
隐藏的父爱
到霆锋返港时，其他人经常畀谢贤问点解唔同霆锋一齐见面，谢贤答：「佢返到香港，当然系同佢朋友见面，年轻啲，成日跟著老人家冇意思，我从来唔会去麻烦佢。」两人虽然不常碰面，甚至连对方嘅行踪都要透过别人口中先知，但从字里行间却隐藏著满满嘅父爱。
更加爱护爸爸
霆锋曾透露，谢贤近年仍会亲自收集有关自己嘅新闻：「最近这几年，他一直觉得自己是我的负担，帮不了我甚么东西。可能是当了一辈子的明星，到现在觉得自己起不了甚么作用，所以特别的沮丧、特别的不知道自己还活著干嘛。」
霆锋表示，睇住爸爸一点一点变老，有好大嘅感受，「我是一个比较独立的人，所以跟父母表达爱意那方面是很差的，但是爸真的老了，那我知道不应该等到一个人真的老了才对他好，所以希望这几年有开始改变。」
谢贤疼爱儿子和孙儿
另外，谢贤表示，其实父子两人自霆锋5岁开始读书时，都好少讲嘢，冇咩家庭乐。「从他读书至进入电影圈，我都是让他自由发展。」问到谢贤认为霆锋发生过咩事情，令佢感到遗憾或可惜时，谢贤更忍不住感触落泪，谓：「 霆锋真的很爱他的孩子，每次分开时，两个孩子都不舍得跟爸爸说再见。」可见谢贤不但非常疼爱霆锋 ，同时亦很爱护两个孙子。
送八千万豪宅 作父亲节礼物
霆锋与谢贤两父子感情要好，之前父亲节前夕霆锋为爸爸送上惊喜，以8,500万购入浅水湾道怡峰低层海景单位送给爸爸，实用面积约1,939呎，呎价达4.3万元，登记买家是谢家钰 ( 谢贤 的原名)，其实早年霆锋曾送上价值500万的劳斯莱斯名车予四哥。很多影迷大赞霆锋的举动超窝心，绝对是孝顺星二代。
谢霆锋谢贤父子Chok住爆笑斗嘴
早前，由谢霆锋主持嘅《锋味》第二季中，霆锋邀请老窦同契妈汪明荃担任嘉宾，一齐煮饭仔兼倾吓计。节目中，呢对好胜父子不时互寸斗嘴，场面非常搞笑。
节目中，霆锋同老豆、契妈、内地影星张一山，一齐下厨煮饭俾「顺德自梳女」。煮𩠌期间，谢贤同阿姐讲起当年合作拍《千王之王》时霆锋出世嘅情况。谢贤忆述，当时接到电话就即刻除低戏服扑去医院，赶到医院等咗15分钟霆锋已经出世。
不过，第一眼见到霆锋后，谢贤第一句话竟然系：「咁丑嘅。」
一旁嘅嘅霆锋即刻唔服气大嗌：「似你啰。」连同场嘅阿姐都笑咗出声。
之后，张一山踢爆霆锋话谢贤认为他「唔够型格」，谢贤闻言即刻话：「没有，他，慢慢来。」霆锋又话自细就听太多老窦的「穿衣原则」，阿姐都忍唔住帮口：「那你肯定要听他的（谢贤），他穿衣服很讲究。」
另一边厢，阿姐透露谢贤嚟紧又做演员，婆婆闻言大赞霆锋与谢贤都好红。谢贤就「弹」霆锋只是「一般般啦」，一旁嘅阿姐都开口赞：「一代胜一代。」
好胜老窦闻言，就九秒九回答：「我唔识听呢句话」，认真爆笑。
最后，霆锋趁喺拍紧节目，但粗粗质疑老窦「一直戴著太阳眼镜究竟睇唔睇到嘢」。谢贤二话不说脱下眼镜，霆锋就将太阳眼镜拿到镜头前，让观众一尝老窦嘅视角。然后话：「今天的不算黑，平时戴那么黑能不能看到？」谢贤见阿仔质疑佢多年不变嘅造型，直言：「（因为）我不想看到你！」
霆锋闻言已无还击之力，直接举手投降，仲话老窦：「真系好百厌」，眼见呢对父子爆笑斗嘴，连阿姐都忍唔住笑谢贤系「老顽童」
延伸阅读：
FDA揭防晒品化学物可渗入血液 严选16款不含类雌激素安全防晒霜
