【小紀遊英國】情迷愛丁堡 Day 2
20160101-20160103 情迷愛丁堡
Day 2
...
晨早起牀清新開朗~~雖然住Basement,但好彩窗外既景色都唔錯!
住得B&B,唔多唔少都會期待佢既早餐咖~~九點前趕去餐廳!!
右下角Cheese Spread勁好食!!(返倫敦後即刻買左大盒裝~~~)
我地都嗌左哩個Full English Breakfast~~個炒蛋可要求加芝士,勁好味!
頭頂的燈--靚!
我地今次住New Town,而景點大部份都響Old Town。
所以我地每朝都會行哩條大斜路上返去咖。
Christmas Market亦係必經之路… 日頭更加覺得突兀。所以我影相都盡量避開o(-"-)o
向城堡進發!!!
Waverley火車站,咁靚既(☆_☆)?
因為哩個城市太靚,所以就算只係響條街都影左幾百張相~~
到了~~~!!因為上次來已經入過,所以今次就無特別入了。
遠景~~天陰陰。
愛丁堡城對出條街叫Royal Miles~~
勁勁勁多手信舖賣羊毛產品,又或者係格仔紋野(我大愛)。
價錢都OK,我地當然唔執輸,行、行、行、買、買、買!
之後我地去左Edinburgh Museum,反而哩個上次無來過呢!
不過我覺得唔算十分多野睇,無時間可以Skip… 我地極速行完。
愛丁堡既重點都係哩度既建築,真係好靚啊~~~╮(╯▽╰)╭
RBS。係咪總部呢?
之後因為天氣唔好,天色昏暗,所以我地無行山喇,返左New Town行下。
話說尋日唔記得講,我地夜晚晚天黑黑上左Calton Hill,天真地諗住捕極光……
結果當然係凍住兩行鼻涕落返黎啦!奀豬仲成日笑我Reindeer nose……o(一^一+)o
夜晚決定左食哩間——Yes Sushi!因為想食Sukiyaki……哈哈哈。(不過入到去竟然無-_-)
不過因為無BOOK,所以要等成個鐘。我地去左商場同超市行下。
一個鐘後返來,都仲有好多人!!!!好彩等左一小陣就可以入座~~
我地嗌左火鍋同壽司任食£17.99。火鍋料無限任點,壽司就每人每次限點一款。
我地嗌左兩Rounds。哎,無特別影,佢蝦同蟹都係任點,我覺得都算幾抵食!
而且醬汁有好多配料可以加,可以落勁多炸蒜,正到爆!!!
我覺得哩個價錢黎講響香港食都算合格,起英國黎講就直頭超班咖喇!!!!!
壽司就點左炸蝦、鰻魚、烤鴨、吞拿。正常,唔特別好食。
食足90分鐘,食到十點,勁勁勁飽!滿足滿足~~
來到兩日都無食過西餐,哈哈哈哈哈~~~
查看原文 >>