今日快报

　　乌兹别克跑马拉松　梁诺妍觅得无国界的爱

　　艺人洪永城嘅模特儿女友梁诺妍（Inez）近日飞到乌兹别克跑马拉松，完成赛事后趁机在当地游览。呢日Inez喺网上分享多张喺当地嘅靓相，见到佢同成班小朋友好开心合照，仲话感受到佢哋对游客嘅热情，令Inez感到好温暖：「佢地系唔系冇乜点见过中国人面孔呢！最后发现，原来跟旅客拍照，是一种礼貌，代表欢迎我们来到他们的国家，小朋友受到当地教育，所以会走过来跟我们打招呼。我也很荣幸能够感受到他们的热情，乌兹别克有多过150个种族，大家样子都很不同，大家都不分你我，好有爱！」呢种无分国界嘅爱，先系令Inez最感动！

　　黄智贤江美仪飞去加国做夫妻

　　艺人黄智贤与江美仪于加拿大Calgary拍摄影音使团的电影《爱Plan B》，二人多次饰演夫妻，今次为演绎真人真事改编故事，专登到加拿大拍摄，更遇到真实版主人角晶晶及Jack。拍摄时，黄智贤更与美仪齐齐穿起婚纱、礼服，二人之前拍摄无线剧集时，已做过夫妻，拍过结婚场口，今次当然更有默契。于拍摄空档，黄智贤都趁有时间四处游览，风景太美，他亦拍下不少靓相。放了一日假后，他今日便会返港，返来便要为即将播映的电视剧《铁探》及《廉政行动2019》，相当忙碌。

　　边似49岁？张可颐孖好友举杯庆生

　　女星张可颐近年明显减产，更不时周围飞享受人生，体验吓生活。虽然佢已经过咗49岁生日，不过向来人缘好嘅佢仍然过生日月，有唔少朋友同佢切蛋糕庆祝。呢日，可颐喺微博晒出照片，相中见容光焕发嘅佢去咗一间望到夜景嘅餐厅，仲同友人齐齐举杯合照，当然仲唔少得切蛋糕环节。对于有咁多朋友咁爱锡佢，可颐感恩话：「三月的幸运小星。」网民睇完后都话好挂住佢演戏，希望快啲可以喺幕前睇到佢嘅演出！

　　加埋270几岁！《爱．回家》耆英Rap爆振雄风

　　处境剧《爱．回家之开心速递》仍然系无线中收视保持最高企嘅剧集，不论后生、老人家都咁啱睇，轻轻松松又一晚！最近一集，轮到一班甘草演员发威，75岁「熊树根」刘丹、70岁「龙敢威」罗乐林、63岁「谭道德」陈荣峻，一个老香港、一个亿万富翁、一个小学校长，因为唔想畀啲后生睇死，齐齐听个师奶讲，去参加电视台Hip Hop比赛，最好笑个师奶病咗甩底，要揾「豹哥」，唔系单立文，而系68岁嘅「马豹」黎彼得戥脚，组成「大四喜」参赛！

　　正当众人以为佢哋会出丑人前之际，无啦啦又畀佢哋过骨，仲系Rap到Very骨（Good）。佢哋四个一副Hip Hop装束上阵、戴晒Cap帽同金链，已经好鬼吸引，Rap起上嚟又几好听，加埋啲歌词又抵死「Hey乜嘢叫做IG我哋唔知　我哋净系知　企上台我哋可以」、「我哋有吉士　几多岁都好都未会怕瘀」，网民都大赞四个果然系无线实力派演员呀！虽然加埋都270几岁，但演乜似乜，仲鬼咁有精力又精灵，难怪观众咁钟意睇《爱．回家》啦！

　　阿佘上《奔跑吧》泥浆激战 豁出去玩到癫

　　艺人佘诗曼（阿佘）、吴谨言、聂远、张嘉倪等日前以剧集《延禧攻略》代表身份，参与内地真人骚节目《奔跑吧3》，与一众主持杨颖（Angelababy）、李晨、宋雨琦等打成一片，鉴于《延》剧人气仍然旺盛，引来影城工作人员等数百人围观，场面热闹！

　　一众演员玩得相当投入，当中一场需要谨言及阿佘于泥浆上追逐及玩游戏，二人均玩到成身泥泞，即使休息及等埋位也乖乖等待，毫无半点架子，阿佘事后表示：「着住游戏衫玩泥浆奔跑，包到实都几方便，只系需要补妆，唔使整理衣服。谂番当时拍《延》剧时，每场戏除咗补妆，都要花好多时间去整理衣服，今次玩得开心，拍得过瘾。」