01（新北耶诞城官网）
 

圣诞节差不多就到，虽然随着娱乐节目愈来愈多，一家大细一齐去维港两岸睇灯饰，已经唔系指定动作，但仍然有唔少人藉睇灯饰感受气氛。台湾虽然冇圣诞假放，但各大县市都会有圣诞活动，类似尖东灯饰满布嘅地方仍然到处可见。单以大台北地区来说，近年在新北市板桥区举办的「新北耶诞城」，应该算是比较有代表性和大型的灯饰盛典。

 

踏入第6年嘅新北耶诞城，今年由11月19日至下年1月2日，喺台北捷运板桥站地面一带举行，不同嘅灯饰布置会放喺板桥站每个角落，吸引大量当地民众参观，人山人海场面绝对少不免。巨型3D圣诞树投影动画表演，一向系呢个活动嘅重点，上年大会就用一棵3层楼高嘅3D圣诞树，播放桑塔熊与星星的故事。今年大会更玩大佢，将3D投射扩大到整个新北市府大楼，投射面积高达5,239平方公尺。

 

除咗有灯饰睇，新北耶诞城仲会喺平安夜前一个周末，举行一连3日嘅巨星连环演唱会，演出嘅更加系台湾嘅顶级歌手，旧年就有罗志祥（小猪）、田馥甄（Hebe）、萧敬腾同蔡健雅，呢啲日子就更加将人潮推至高峰。当然，如果唔想咁逼嘅话，平日晚上去睇灯饰都可以感受吓气氛嘅。

最后同大家分享吓旧年小弟拍低嘅盛况。（想同我地更多交流，欢迎加入在台香港人群组）