關心妍（Jade）入行18年舉行《時刻觸動世界巡迴演唱會》，繼廣州站後，Jade在東莞舉行第二站，全場爆滿，不少香港歌迷更組團支持偶像，踏上臺未開口，歌迷的尖叫聲已令Jade差點感動落淚。

首次在東莞開騷的Jade，特別把歌單改動，唱出歌迷在網上投選的歌曲，見到歌迷的熱烈反應，Jade說：「我知道今晚大家都係為自己嘅青春搶票，今晚等我帶大家返番去我哋嘅青春年代！」Jade一氣呵成唱出多首經典金曲《負擔不起》、《假使我漂亮》、《終點》、《你有心》、《我太強》、《手下敗將》、《放生》等，幾乎每首歌都是全場大合唱，現場氣氛高漲。

在個唱尾聲，Jade有感而發，原來她在開騷前兩星期失聲，經醫生診斷後發現她的聲帶出血，立刻要求Jade停止練歌，連做運動都唔可以，只可以閉關休息養聲，以免情況變壞，Jade說：「臨開騷前兩星期突然聲沙，馬上去睇醫生照聲帶，醫生話左邊的聲帶出血，好擔心，因為我真係好珍惜每一場演出及歌迷，你哋買飛等咗我咁多年，所以今日真係一個奇蹟，可以喺咁短時間內好番！今晚唱最後一首歌先敢同大家講，如果聲帶惡化可能要臨時取消，好感恩，多謝大家嘅支持，畀我嘅動力，令我把聲今日無事！」說罷，Jade唱出《關心...心妍》，再次感動爆喊。Jade特別感謝老公，她說：「最慘冇得黐住個囡，連同佢玩和說話都唔得，最怕傳染佢，呢幾個星期老公好辛苦，每日帶心心出街玩。」東莞站圓滿結束，明年3月，Jade會將把巡迴演唱會帶到澳洲及美加，希望巡唱尾站可以返到香港舉行。