【日本樓中伏?】租客退租 託管公司:用30萬日圓翻新間屋!
包租公唔易做!
在上世紀八十年代中後期,日本東京樓價曾經是全球最貴;可惜事過境遷,隨著日本經濟長年迷失,加上日圓貶值,一個普通單位只需數十萬港元便可入場,相比港樓只升不跌,促使港人計劃轉買日本樓,一嚐「包租公」滋味。
近日,網上討論區出現關於日本收樓的迷思,一篇帖文「日本樓每次租務前都需翻新嗎?」中,樓主表示,現持有東京一個約300呎單位,今個月租客退租,香港託管租務管理建議「用30萬日圓翻新間屋」。
不過,樓主從相片中所見,單位內櫳依然十分乾淨企理,表面上看似無需額外花錢翻新。對於「日本樓每次出租前需翻新嗎?」,一眾「巴絲打」提醒買日本樓,小心中伏!
【網友點睇?】
ask20082008:日本人鍾意住新樓, 你唔翻新,日本agent 唔會同你放租。
1968HK:日本樓投資價值唔高,退休小住或當買心頭好就ok。
ANTMeow:本身租都係三萬幾日圓,裝修費已經多過一年租金!
LeeLK:隔山買牛去投資,點解唔買收租Reit?
無聊人2009:日本樓最怕租客走,雖然可以加返D租,但是中間使費不少