陸永話如C君肯收「平少少」，會讓兩女兒做花女。

最後一場《18歲生日快樂演唱會》昨晚(19日)舉行，農夫終於可以鬆一口氣，陸永的父母、王菀之、徐浩等都有到場支持。C君直言原來做6場騷是這麼辛苦，計劃之後會去旅行休息一下。環節中提到C君明年的婚宴，陸永講笑話最好就不用搞，C君即附和：「我當然想，但唔到我話事！」

農夫開千前迎賓。

C君大呼原來做6場都好辛苦、好攰，原以為中間休息了數天會好一點，哪裡知道還是心掛掛。陸永認同說：「尤其是第3場給子華神（黃子華）送驚喜後，還以為做完成整個演唱會了，真係極度佩服那些做10多、20場的歌手！」C君再接口謂：「做show最難是度橋，仲要每晚做完就即刻開會檢討，仲有好多部份要記，農夫的歌詞又多過人，真係好大壓力呀！所以未來有幾日可以休息，想去旅行休息嚇！（會否挑戰超過6場？）也可以，亦有計劃，但最快要等到2020年的20週年才能成事，其實今次要不是有記者朋友提醒我們入行18年了，都唔會有這個show。」

農夫指下次開騷可嘗試突破六場。

搞笑是在開場前的迎賓環節中，C君打趣指觀眾已習慣了他們出來迎賓，見到他們簡直是當兩件死物，敷衍一嚇都無，引得觀眾起鬨大叫；還有又有女粉絲高呼：「C君你結婚，我好唔開心呀！」C君竟鬼馬道：「其實我自己都唔係....」，隨即收口不敢再說下去。問到C君明年的婚禮籌備如何？他透露已開始看場地，預計婚宴只邀請親友出席，並非因為有傳人情降價有關，是為免要招呼太多人。在旁的陸永笑稱如果問他過來人的意見，就最好是不用搞，C君即附和說：「我當然想，但唔到我話事！」當陸永坦言一定做兄弟時，還笑言可收「平少少」讓兩個女兒做花女，被C君取笑有提供「出租女兒服務」。

陸永(左)笑稱結婚唔使擺酒，C君(右)稱「唔到佢話事」。

黃子華、C君、陸永