就嚟到聖誕，梗係想同伴侶一齊度過，YOHO MALL就以童話、華麗、甜蜜及繽紛4大元素為主題，打造咗6款裝置，絕對係打卡必到之處。位於YOHO MALL I中庭嘅「Bubbleland」有3款裝置，一款係由3000個粉紅波波砌成嘅「粉紅甜夢」，波波牆前面有隻白馬，可以坐喺上面影相；另一款係「華麗剪影照相館」，可以將情侶嘅剪影製作成相片，記載住浪漫嘅一刻；第3款就係有接近100個巨型波波嘅「炫彩泡泡世界」，配埋七彩燈光，令人充分感受到歡樂嘅氣氛。同樣位於YOHO MALL I嘅仲有「旋轉木馬白日夢」，入面嘅唔係一般常見嘅木馬，而係狗仔、喵星人、豬仔同埋草泥馬4對萌爆動物，超可愛嘅造型完全捕捉住小朋友同少女嘅心。

YOHO MALL II就有「毛毛熊胖您行」同「雪國森林」，2.5米高嘅玩具熊毛公仔任影唔嬲，仲可以同伴侶一齊行過一條兩邊有超過60棵聖誕樹嘅道路，非常浪漫。最後仲有「AR隨身寵物互動拍攝遊戲」，只要用手機掃描場內主題裝置或者指定店舖內嘅AR碼，就可以喺手機畫面到同得意嘅「小動物」一齊合照。

▲旋轉木馬白日夢，充滿童話嘅感覺。

▲4種動物都係一對對，啱哂情侶打卡。

▲成個裝置以白色為主，非常浪漫。

▲裝置嘅支柱配咗360度鏡面，影相效果更正！

▲仲裝滿燈炮，利用燈光加強氣氛。

▲粉紅甜夢，由3000燈波波砌成嘅粉紅色牆，隔離仲有兩隻白馬！

▲炫彩泡泡世界，畀咁多個巨型波波包圍住，感覺非常夢幻。

▲有唔同嘅燈光顏色，同一個地方可以影超多張相！

▲粉紅色少女感爆發！

▲紫色成熟有魅力！

▲紅黃色夠溫馨！

▲咁多種燈光效果，唔打卡實在對唔住自己。

▲華麗剪影照相館，可以將情侶嘅剪影製作成浪漫嘅圖片。

▲凝結浪漫嘅一刻，記載二人嘅回憶。

▲毛毛熊胖您行，2.5米高嘅玩具熊，行過去背後……

▲就會見到雪國森林！超過60棵閃亮聖誕樹令人尤如置身喺電影情景到一樣！

▲各款主題裝置同指定店舖都設有AR碼，用手機掃一掃，就會有小動物喺手機畫面上出現！

YOHO MALL「擁『泡』聖誕」

主題裝置

日期：即日起至2020年1月1日

時間：10:00 22:00

地點：YOHO MALL I 及II中庭

入場詳情：「Bubbleland」入場証須以The Point by SHKP 會員積分換領，其他節日裝置則免費入場。

消費獎賞

換購日期：即日起至2020年1月31日

換購時間：10:00 22:00

換購詳情：The Point by SHKP 會員即日以電子貨幣消費滿指定金額，即可換領現金券

1. 逢星期一王五消費滿HK$800^，即可換領HK$50 YOHO MALL購物現金券一張，適用於YOHOMALLII指定商戶。

2. 消費滿HK$10,000^，即可換領HK$350現金禮券*一套。

^ 發票數量不限，惟每張發票須達HK$100或以上。

* 分別為2張HK$100 新地商場贈券、1張HK$100 YOHO MALL美容現金券及1張HK$50 YOHO MALL餐飲現金券。

文字來源：香港人遊香港/ 圖片來源：Yoho Mall

這篇文章 聖誕活動：【聖誕拍拖打卡必到！浪漫波波世界！】- YOHO MALL 最早出現於 香港人遊香港。