去到旺角想食泰國菜有唔少餐廳選擇，但想搵間又可以同朋友坐得耐啲傾下計，呢間岩晒啦，呢間店鋪裝修頗有特色，同其他泰國餐廳有點唔同，裝修同餐具有復古feel同埋有唔少打卡位添。呢間餐廳係夜晚都無限時嫁，可以同啲朋友傾下計。餐廳一共兩層，上層仲可以比客人掟標同Shisha添。除左食泰國小食，炒粉麵飯外，呢度仲有泰式湯底任食火鍋提供。

▲泰式香葉肉碎生菜包($88): 肉碎炒到好香又惹味，包住生菜食味道岩岩好，生菜好新鮮，如果唔夠生菜可以叫店員加菜。

▲泰式鹽燒烏頭($128): 燒魚即叫即製，條魚都大條，魚肉好滑，將啲魚肉點個秘製魚露汁，辣辣地好惹味。

▲芒果糯米飯($71):芒果糯米飯一送上黎仲熱，芒果好甜，椰汁都好香好甜。

▲芳華絕代有兩層，外形以灰白色同落地玻璃既設計為主。

▲係餐廳門口有個霓虹燈牌比客人打卡影相。

芳華絕代

地址:旺角界限街36號1-2樓

營業時間:星期一至三12:00 00:30、星期四至六12:00 22:30、星期日12:00 00:30

電話:23662113

文字來源：香港人.遊香港 ／圖片來源：＠dapdap.diary、@ooomyfood、@karyan.j、@chidog

這篇文章 旺角美食：【新派創意泰菜！仲可以係店內掟標同Shisha】- 芳華絕代 最早出現於 香港人遊香港。