東東笑言原來媽咪思想比他更開放。

黃建東（東東）早前拍攝由李宗瑞案件改編的電影《有罪》，飾演情慾女主角的未婚夫，他表示：「劇情講述我發現咗佢拍左條情慾片俾人擺上網，而嗰場戲一嚟就要同未婚妻鬧交，去到片場先至初次認識對方，不過大家都好快熱身全程投入，鬧交鬧到自己都眼濕濕。（使唔使剝衫拍牀戲？）其實我覺得作為一個專業演員乜嘢都要嘗試，所以如果有情慾戲我都唔介意出演，但可能導演驚出嚟畫面太油膩所以冇諗住預我拍呢個部份。」

黃建東

黃建東、莊思敏

因為東東難得拍電影，所以特別邀請媽媽來看首映，想不到電影被列為三級片，「其實睇都啲情慾鏡頭時都擔心媽咪會睇得好尷尬，點知我媽原來思想仲開放過我，話呢啲小意思啦，佢之前睇過啲歐洲電影尺度仲大，同埋我喺戲裏面着住曬衫完全冇嘢睇，所以都唔會好尷尬。不過如果第時真係有得拍情慾戲就未必會邀請媽媽來看，費事佢喺我隔離睇住我我尷尬到流曬大汗。」

黃建東特別邀請媽媽來看首映，但想不到電影竟被列為三級片。

除了拍攝電影《有罪》，東東正在拍攝TVB新劇《黃金有罪》，亦剛巧在最近熱播的《是咁的，法官閣下》中飾演戲院非禮案的被告兼判有罪，所以他笑言覺得自己真的「有罪」，「我最近真係罪孽深重，要做返啲嘢贖罪，不過好開心我嗰幾集大家都有迴響俾我，好多謝陳耀全監製一直俾機會我去開拓不同的戲路，讓觀眾認識不同面的黃建東。」

黃建東《是咁的，法官閣下》中飾演戲院非禮案的被告兼判有罪。