兩母女都有腳骨力！

近年長駐內地發展的前亞姐冠軍楊恭如，偶爾會同阿媽返港shopping。早前兩母女現身中環，但今次唔係去名店掃貨，而係去皇后大道中的H Queen's看藝術展覽。睇完收兩人轉場去酒店High Tea，跟住再去荷李活道的大館參觀。楊恭如一到埗已不停用手機周圍影，愈行愈興奮，最後同阿媽行到天黑才肯離開。

楊恭如與媽媽到中環H Queen's行藝術館。

楊恭如到大館後，即拿出手機不停影相。

楊恭如08年與補習天王簡俊傑分手後，單身咗幾年，至12年與細她兩年的內地男藝人鄭國霖合演劇集《香木虎》傳緋聞，有指兩人日久生情而譜出姊弟戀。可惜戀情只係傳咗一排，冇耐楊恭如又打回原形，變番出入得媽咪相伴。多年嚟，楊媽媽一直黐實個女，搞到索囡囡冇仔敢埋身。不過楊恭如無所謂，仲好享受咁同阿媽周圍去，最近更在社交網大讚媽媽幫她影相的技術愈嚟愈好。

楊恭如參觀期間，與媽咪有傾有講好雀躍。

行到夜晚8時半，楊恭如才依依不捨離開。

兩母女好行得

近年楊恭如去到邊，楊媽媽都充當其攝影師幫她拍照。

早前兩母女又去中環行街，不過今次唔係去行名店掃貨，而係去文化藝術新熱點H Queen's。兩人行咗1個鐘，之後再去威靈頓街附近酒店High Tea醫肚。急急飲完個下午茶，兩母女又繼續行，目的地係荷李活道的大館。楊恭如一到達即拿出手機不停影相，之後再到不同的展覽館參觀，期間與媽咪有傾有講，表現開心又雀躍。行到大約晚上8時半，楊恭如先同阿媽離開，行足半日都幾好氣力。

楊恭如與媽媽相依為命，經常到不同地方旅遊。

12年，楊恭如與內地藝人鄭國霖合演劇集《香木虎》而傳出緋聞。