每日都走訪不同景點，好似參加旅行團咁！

林德信（Alex）、林曉峯（阿Lo）及邵音音出席賀歲喜劇電影《玩轉全家福》首映禮，阿Lo表示為該片於大馬拍攝了個多月，每日走訪不同景點拍攝，好似戲中故事一樣參與旅行團；而Alex就大爆有份參演的盧海鵬好喜歡一邊食榴槤一邊吸煙，不過音音姐就話現在見到煙仔都怕怕，因為鵬哥去到邊都叫她一起吸。

林德信爆鵬哥狂食榴槤。

在戲中飾演地產經紀的阿Lo，當中有睇樓戲份，試過到當地的屋苑發現沒有人居住。他說：「問返當地人就話：『無乜人住無！』原來佢哋講乜都加個無字！不過都話無人住，因為好細，但樓底好高又有露臺6百幾呎，都係2百幾萬咋！」談到該片成為大馬華語電影賀歲票房冠軍，對於香港票房成績，阿Lo表示這部是馬來西亞電影，希望能夠在香港是馬來西亞電影的票房冠軍。

左起：林曉峯、林德信及邵音音。

Alex大讚劇組好細心，試過拍攝期間天氣很好陽光普照，於是等埋位時想曬太陽。他說：「不過太陽曬得好勁，有位劇組人員專責用傘子為大家遮太陽，佢會擔心我曬黑不能夠連戲，但我又想曬，佢唔畀我曬，我咪走來走去囉！」他又爆有份參演的盧海鵬（鵬哥）好喜歡喫榴槤，有日劇組安排成枱榴槤，搞到鵬哥好開心，成日一隻手拎榴槤，另一隻手拎住香煙。音音姐笑言鵬哥很喜歡該片，搞到去到邊都叫她吸煙，嚇到她現在不敢吸煙。

林德信 (資料圖片)

盧海鵬 (資料圖片)