好強勁！

藉着昨天母親節，唔少子女向偉大嘅媽媽表達心意，唯獨啱啱申請到10月紅館個唱檔期嘅梁漢文(Edmond)卻唱「反調」，昨天他在社交網上載相片，其中一張相和遮咗雙眼嘅太太林文慧（Karen）、媽咪及家人打臺灣牌，相中梁漢文和Karen齊齊打開牌，他還抵死地留言：「『鋸』到母親一頸血系列之雙響炮！」朋友取笑他：「叻仔！」有人睇唔過眼說：「你好壞！」、「母親節就鬆章啦！」、「auntie要食多啲！」不過，好彩兩夫婦唔係食大牌，所以梁媽媽唔會輸到入肉！

梁漢文夫婦雙響炮「鋸」阿媽。

梁漢文夫婦雙響炮「鋸」阿媽。

打麻將只係塘水滾塘魚，開心玩嚇啫，之後家人開心同媽咪合照，只見梁媽媽坐喺張按摩椅上同親人輪住影，估計按摩椅係母親節大禮，Edmond還留言：「母親節大製作，有女模，有攝影，有燈光有埸記。」

昨天母親節，梁漢文夫婦約媽咪同家人打臺灣牌。

家人和媽咪輪流合照，梁漢文從旁做助手。

梁漢文成功申請到10月紅館演唱會，要行山鍛練體格。