吳若希承認跟菊梓喬欠缺默契。

【星島日報報道】錢嘉樂、黃智雯、楊詩敏（蝦頭）與胡渭康，前晚錄影節目《娛樂大家》。談到主演的舞台劇《今晚打老虎》下月公演，錢嘉樂透露已排練了一星期，該劇還有不少前輩助陣，包括羅冠蘭與袁富華等，自己作為晚輩會虛心學習。問到排練時可有爆肚，他笑道：「少少啦！潘嘉德監製搵得我都唔想我一字一句照稿讀啦。」黃智雯則滿有信心接得住嘉樂仔的爆肚，並笑道：「平時我好似好鈍咁，但我上台會上身㗎！」

嘉樂仔又大爆羅冠蘭對他有意見：「羅冠蘭唔鍾意我爆肚㗎！但都要接受我，因為之前合作過，知我管唔到，佢已經好好，寫晒我嘅爆肚位，叫我唔好再加，以免演出時佢接唔到。」

另外，談到陳小春宣布太太應采兒懷孕3個月，嘉樂仔笑說：「打咗畀佢啦！都係記者話我知，而家懶巴閉咁，人不如其名，應該叫『陳大春』。」

此外，對於自己與菊梓喬（Hana）的不和傳聞再被炒起，吳若希承認跟對方欠缺默契，並謂：「我喜歡有來有往的合作，佢唔係我類型，佢喺鏡頭前好柔弱。」