唔好玩新人啦！

金剛及麥長青（麥包）首次為ViuTV新節目《C9旅行團》擔任主持，兩人聯同女助理蔡寶欣(Pony)，帶領一班C9團友走訪臺灣，上山下海遊盡各地風景名勝及喫盡地道美食。由於Pony經驗尚淺，經常被金剛及麥包揶揄，鬧出好多笑話！

兩人首次為ViuTV新節目《C9旅行團》擔任主持。(資料圖片)

明晚播出第三集中，三位主持帶團友到訪臺北近郊九份品嚐聞名遐邇的甜品芋圓。新人女主持蔡寶欣（Pony）負責為兩位前輩及C9團友買甜品，她端著十多碗甜品，聽到攝製隊嗌「3、2、1」後，竟站著一動不動，金剛見狀即揶揄她：「喂！3、2、1都唔行！幾時行啊？1、2、3好唔好啊？」。主持經驗尚淺的Pony即面露尷尬，惹得全場大笑。

金剛麥包將聯同女助理Pony，帶領一班C9團友走訪臺灣。(資料圖片)

金剛及麥包雖頻頻揶揄蔡寶欣，實質非常關照新人。麥包更主動「過兩招」予她「第一，要識聽「3、2、1」；第二，要識望鏡頭，要知道鏡頭喺邊個位！」

蔡寶欣幫手買甜品，但聽到攝製隊嗌「3、2、1」後鬱都唔鬱，因而被兩位前輩揶揄。

金剛同麥包「聯手夾擊」蔡寶欣，指：「聽到3、2、1都唔識入，係唔適合撈呢行嘅！」