與黃貫中澳門開騷 超儀自嘲:我係搖滾小丑
超儀個「BB海膽頭」真係好搶鏡!
何超儀日前跟一眾Band友於澳門開騷,雖然她剛完成手術,身體仍很虛弱,但當晚仍落力演出,非常敬業!席間面對「搖滾教父」黃貫中(Paul),她即自嘲是「搖滾小丑」,出來只是負責搞笑!
何超儀日前率領樂隊何超與海膽仔到澳門出席《Let's Mixture Rock Party融洽搖滾派對》,與黃貫中、Soler 、ToNick、Cassette、逆流等同臺演出。席間,何超儀一連唱出《天眼通》、《黑超》等歌曲,仲跟Paul合唱Beyond的經典金曲《光輝歲月》、《海闊天空》等,瞬間令現場升溫!
面對有「搖滾教父」之稱的Paul,何超儀即⾃嘲:「我係搖滾小丑,出嚟負責搞笑!」然而,早前感染了金黃葡萄球菌的她,從北京返港後立即做手術,現時仍需每天到醫院清洗傷口,身體亦變得虛弱,幸當晚演出未有受影響,何超儀整晚傾力演出,非常專業!
騷後受訪時,提到頭上的「BB海膽頭」造型十分搶鏡,何超儀打趣道:「當初聽到有呢個演唱會,知道有好多人,我又生得細粒,咁就要諗個辦法搶鏡。」問到身體康復進度如何?是否瘦了?她說:「OK呀,瘦咗係好事,哈哈!」