袋錢落大家袋呀！

現年66歲的張艾嘉，入行超過40年，集編導演樣樣皆精的她，在圈內享有好高嘅江湖地位。難怪，大家都尊稱她「張姐」前、「張姐」後，而藝人劉若英、李心潔與她更是情同師徒。

資料圖片

據《東週刊》報道，張姐曰前在九龍城一間著名的潮州菜館現身，見她素顏戴着眼鏡、穿着T恤、牛仔褲，打扮得非常隨便，還好像做領隊，帶了一班為數約30人後生仔女，分了三張大圓枱開餐。

素顏戴眼鏡、穿着T恤、牛仔褲嘅張姐，似領隊咁帶埋一班臺灣學員，到九龍城嘅著名潮州菜館開餐。（《東週刊》圖片）

為栽培臺灣演藝新人不遺餘力嘅佢，邀請大班學員來港交流，仲預備幾圍招呼佢哋，認真親切。（《東週刊》圖片）

聽見他們都是以國語交談，成班後生仔女相信是學生，對張姐必恭必敬，而張姐亦擺出老師的姿態，說話口脗似訓導，並且似足「開talk」講座。就算上菜，她都邊食邊講不停口，循循善誘一班後生仔女，分享她過去幕前幕後的經驗。

喺演藝界德高望重、享負江湖地位嘅張姐，席間似「老師」咁同大家「開talk」，而各人亦對佢敬重有加。（《東週刊》圖片）

雖然啲餸嚟到，佢都冇一味掛住食，仲爭取時間不停口教導學員，傾囊相授「袋錢」入後生仔女嘅袋。（《東週刊》圖片）

據知，張姐過去為栽培臺灣的新人不遺餘力，曾經捐出自己嘅酬勞成立「果實基金會」，培訓年輕演藝人員，相信這班人應該係由臺灣來港的學員。另外，他們當晚開餐的菜館其實是一間星級食肆，連星爺周星馳及玄學家李居明都時有幫襯，相信張姐好人好到底，埋單都是她掏腰包請客！

更多娛樂消息，請看東周網：https://eastweek.my-magazine.me/main/entertainment