老友減肥大法！

因為Stay Home抗疫，加上健身室又Close，連球場都封埋，好多人都肥曬。今年十月尾開紅館Show的梁漢文都叫曬救命，「我好大鑊！肥咗好多。」155磅的他即急Call高人救命，高人包括小齊、Sammi、林敏驄、謝霆、李克勤、張繼聰、容祖兒同蔡一傑。

155磅的確厲害。

因為就快開演唱會，又自覺肥了好多，梁漢文打電話搵高人救命。

究竟以上高人有何減肥高見？小齊話白烚蕃薯；Sammi就強調飲七日菜湯成個人就會縮水；林敏驄就答得好快:「食蚊，食烏蠅啦。」Edmond一聽笑到變咗樣。

高人一號小齊。

高人二號Sammi。

高人三號林敏驄。

而李克勤就話直頭唔食；霆鋒好認真地答:「食75%以上黑朱古力。」輪到容祖兒，佢話:「我唔知可唔可以幫到你，我好騎喱。」

高人四號李克勤。

高人六號容祖兒。

另外張繼聰同蔡一傑就講出一般人對減肥的誤解，前者話：「好多人以為唔食飯可以減肥，其實唔得嘅。」後者表示：「梗係要隊一碟飯啦，我過嚟煮畀你食都得。」

高人七號張繼聰。

高人八號蔡一傑。

想知高人的減肥大法詳細版，就要留意梁漢文的YouTube頻道啦。