拍住上！

秦沛（Paul）和姜文杰（Benji）首次以父子檔拍攝港產電影《大盜演》，今次更是Benji跟李璨琛等人成立製作公司的創業作，Benji亦身兼執行監製，身為爸爸的Paul哥當然要親身到泰國演出力撐。Benji對《頭條日報》坦言，明白巿道低迷下開公司冒險，但仍想為這行業打氣及製造機會，Paul哥對囝囝的付出相當鼓勵。

Paul哥坦承現在電影行難撈，更想鼓勵新一輩同業。

《大盜演》以一套爛尾電影開始，Benji坦承角色非爸爸演出不可，「爸爸個角色虛幻啲講，代表呢個行業咁多年嘅代表，我就代表入行冇乜機會嗰啲，所以有好多對白喺Paul哥呢個演員口中講出嚟，唔係對我，係對咁多演員嘅鼓勵。」Paul哥亦直言今次演出不是單純撐囝囝，「係想鼓勵呢行嘅從業員。」

Benji自爆拍攝時，被爸爸的戲感動到喪喊。

Benji坦承整個家族，由爺爺嚴化、嫲嫲紅薇，到爸爸和兩位叔叔姜大衛和爾冬陞都是圈中人，自己一出世已入了行，「真係冇得揀，我唔做呢行會瞓唔着。」Paul哥都直言，「佢喺UBC畢業，我都有問佢點解做呢行，好辛苦㗎喎！但我答應佢大學畢業，就可以追求自己嘅目標。」

Paul哥除了父母外，兩位弟弟姜大衛和爾冬陞都在圈中發展，絕對是演藝世家。

講到這個時勢開製作公司決定會否太冒險？Benji好感概話：「自己前排情緒都好低落，因為音樂比電影更萎縮，我冇得喺臺上表演，自己好唔開心，可能開間公司對我哋自己都係靈藥，一路keep住做，又幫到有志入行嘅人。」Paul哥都好支持囝囝決定，「鼓勵，食咗電影呢行咁多年，佢阿爺養大我，我就養大佢。」

Benji和李璨琛在該片除主演，還兼任執行監製和監製的，在拍攝現場更學整泰式奶茶慰勞一班工作人員。

16年Benji和Paul哥在內地電影《我的1000萬》中合演兩父子。

電影《大盜演》早前在泰國取景，Benji和Paul哥都有同行。