自己我剪短左頭髪後，幾乎每一日都一定要用髪夾夾一夾個頭，如果唔係出街會好似未幾日無洗頭咁，成個頭塔晒。所以一直我都用緊19mm鑽轉捲髪器，其實已經好好用架啦（有用開或留意開就知），但最近新買入左一支比鑽轉仲正、仲好用既夾髪神器！

       登登登登～呢支就係依家韓國大熱 SS-Shiny Volume Queen Styler (Red)，呢排應該都Hit 爆，因為成日係Facebook 見到，個個blogger 都sell 緊呢支髪夾，所以就膽粗粗買左支來試，點知一試就愛上。依家每一日都係用佢， 重點係朝早夾完到夜晚個頭都仲係清爽，一D痴泣泣既感覺都無！最緊要仲要係價錢好抵玩，絕對可以用平、靚、正黎形容，真係好值得大家買番支傍下身！

         如果大家想知係邊訂都可以問我，我呢支都係買左HKD320.00 ! 真係好抵用！

        呢支野特點：傳熱平均，令造型持久更有效果，玩完頭髪一樣咁有光澤，唔洗擔心頭髮受損。4段溫度選擇 (140 - 200度) 睇返髪質同所需造型，厚身髪質就用高度數~ 一般黎講 160-180度已經夠玩。平時我都係用180度，因為我本身髪質好幼同好少！