为冧老婆张继聪出奇招行行吓街走去Busking大唱情歌

㖊日系一年一度嘅情人节，大部男士都会为咗氹另一半而出尽法宝，只为搏红颜一笑。艺人张继聪㖊晚同老婆谢安琪（Kay）行行吓街，竟然走去尖沙咀海旁问正在街头演唱嘅年青人借结他，大唱张学友《每天爱你多一些》，简直令Kay心花怒放！

撰文：Kayla｜来源：Instagram

延伸阅读：

【中国传统习俗】2019新年办年货 10间推介盆菜大合集 |外卖到会+信用卡优惠

【盆菜2019】新年必食4大围村风味盆菜

事缘就系今年情人节，Kay同张继聪讲唔想要任何物质嘢，只系想要一份过咗好多年之后都仲记得嘅礼物。依个难题又点会难倒一向鬼马嘅张继聪，佢于是带咗Kay去尖沙咀海旁，问正在表演嘅年青人借咗支结他，即场自弹自唱情歌《每天爱你多一些》俾Kay听，引来一大班途人围观。

睇吓Kay笑得几开心！

张继聪仲留言话：「老婆话唔要d物质礼物，但系要难忘嘅冧猪嘅几十年后都记得嘅🍃 于是我带佢去海旁，问班年轻人借咗d架生……　讲都无人信，仲要撞到Endy同阿嫂 😂 氹老婆嘅嘢，梗系揾啲志同道合嘅人一齐啦（主要系互相拍片😂）P.S.十分感谢借乐器比我地嘅年轻人s😘🙏🏻打搅晒😅🙏🏻」

在 Instagram 查看这则贴文
张继聪 Louis（@louischeung2013）分享的贴文于 PST 2019 年 2月月 14 日上午 8:19 张贴

张继聪今次突发Busking仲撞到周国贤同佢太太，周国贤同样为咗氹老婆，都唱出《目黑》，全场仲陪佢一齐大合唱添呀！

囡囡同谢安琪争咪唱歌

张继聪一直都系圈中公认嘅「爱妻号」，佢哋一家四口亦一直都受到网民追捧，同太太谢安琪仲不时摆仔女嘅生活片段到社交网站同网民分享。呢日Kay要出席活动，张继聪就带埋对仔女去探老婆班，仲化身为摄影师不停咁影囡囡张靖同Kay，相中见到囡囡露中一个崇拜眼神望住妈咪，十分可爱！张继聪仲为女儿配上设计对白：「Mommy真系好靓……Daddy真系好本事，Daddy 叻叻，I love u Daddy！」文字间唔只赞老婆靓，仲兜个圈赞自己叻，真系好搞笑！