李珊珊分享抗驚恐症古仔Sammi拍片力撐

勇敢面對疾病。

42歲前4料港姐冠軍李珊珊退隱7年，自今年2月她站出來，現身慈善音樂會在臺上分享這些年的抗病歷情後，最近她再為精神健康基金會拍片，以手寫紙牌告訴大家她抗驚恐症經歷，並獲多位圈中好友：林保怡、古天樂、何超蓮、甘比、崔嘉寶、鄭秀文（Sammi）拍片支持！

李珊珊行出來告知大家情緒病有得醫，也希望有相同遭遇的朋友都出來分享他們的故事。

珊珊在片中說：「我係李珊珊，I have a story to tell...2017年，我身處醫院，當時因為種種原因，出現非常激烈嘅病徵，發熱、標冷汗、全身冇力、呼吸困難，不停地掙扎，直至眼前好黑，嗰種令人窒息嘅感覺，我直頭覺得係瀕死邊緣。經過唔同嘅檢測，專科醫生都搵唔到病因，病徵持續出現，每日都徘徊地獄又折返⼈間，兜過唔少冤枉路，做過唔少測試，都係搵唔到病因。

李珊珊行出來告知大家情緒病有得醫，也希望有相同遭遇的朋友都出來分享他們的故事。

「直至有日…經轉介去見劉英傑醫生，我先知道，個病係叫驚恐症，幸好劉醫⽣說教曉咗我，情緒病其實同傷風感冒一樣，有得醫。我開始向信得過嘅朋友分享，輕描淡寫地透露我嘅狀況，就好似患咗傷風感冒，No big deal。然後，我就只係做兩件事，準時覆診，準時食藥，加上好友們嘅關心同不離不棄，病情慢慢好轉，驚恐症嘅症狀無再發生，瀕死邊緣嘅感覺無再出現，我就知道，我嘅情況受到控制。

Sammi等人齊為珊珊和病患者加油。

「而家睇返轉頭，慶幸當初堅持搵病嘅根源，知道問題根源先可以搵啱解決方法。情緒病其實同普通病無分別，搵啱醫生食啱藥，病就自然會好。我選擇行出嚟同大家講我嘅故事，係希望有相同遭遇嘅朋友，又或者你身邊有相同遭遇嘅朋友，都可以分享佢哋嘅故事。」

李珊珊行出來告知大家情緒病有得醫，也希望有相同遭遇的朋友都出來分享他們的故事。

林保怡、古天樂、何超蓮、甘比、崔嘉寶、鄭秀文亦拿起紙牌，兼開聲鼓勵：「珊珊加油，你哋都要加油」，並逐一有話跟大家說。古仔：「我希望更多人支持情緒病患者」；何超蓮：「企出嚟，分享復元故事」；崔嘉寶：「情緒病，要向淺中醫」；林保怡：「將情緒問題講出嚟，俾（畀）人幫嚇你」；甘比：「我希望更多人認識情緒病」；鄭秀文：「對情緒病零歧視，零標籤」。