Deanie姐好愛錫小朋友！

年底將會「70+1」的影后葉德嫻（Deanie姐），去年拍完得獎電影《明月幾時有》後，未遇到合適的劇本，便順勢休息享受人生。日前傍晚，Deanie姐約了一眾後生親友飯敘，還成功被班可愛「O靚仔」收服，不時行出行入幫手裝飯、舀湯、夾餸等，全程笑容滿面！ 

今年，Deanie姐憑《明月幾時有》，三度獲金像獎「最佳女配角」獎。

Deanie姐於80年同前夫鄭康業離婚，一對仔女跟前夫。失婚的她早年講過因為她要求好高，跟一對子女關係疏離，有指她兒子現定居美國，任職設計師。一個人生活的Deanie姐都可以好精采，閒時去玩高空瑜伽，身形不知幾fit。

近年未合適的劇本，Deanie姐早前去看張敬軒個唱。

日前傍晚，戴上口罩的Deanie姐拿着一袋二袋行時代廣場超市，見她選了幾包零食、薯片等，就去付款。然後，她行去鵝頸橋熟食中心，上樓找親友食飯。甫到達，Deanie姐即笑笑口將袋零食分給三個小朋友，一人兩包不偏心。

開飯前，Deanie姐特登去超市買零食O氹小朋友。

輕裝上陣的Deanie姐，拎住幾袋嘢趕去食飯。

可見Deanie姐似乎同小店好熟，不時行出行入幫親友裝飯、舀湯，就像她那套影后之作《桃姐》那樣，一直服侍人，最後纔到自己食，而且她好照顧班小朋友，見到身邊個四眼仔嘴角有粒飯，又笑住用手幫他拿走。整餐飯，Deanie姐都笑得好燦爛好開心呀！

Deanie姐一去到，行出行入幫手裝飯、舀湯。

Deanie姐好照顧班小朋友，成日企起身幫手「畢」餸。

四眼仔嘴角有粒飯，Deanie姐笑住用手搣走。