新城獎項變垃圾棄橋底 5個得獎者邊個最大嫌疑？
一到新年大家就會想到送舊迎新大掃除、再加上最近流行「斷捨離」，不少人都會將自己手上無用之物全數拋棄。不過，近日商臺的DJ Colin就在其社交網絡上載一張相片，佢發現一個新城勁爆頒獎禮嘅奬項居然被棄於橋底，不少網民看過相片都化身鍵盤神探，希望搵出物主，而當日嘅五個得獎者都紛紛力證自己清白，咦，咁到底邊個係最大嫌？一齊睇睇！
撰文：Mike (原文刊於：新Monday)｜圖片來源：King Jer娛樂臺,Colin Mak｜資料來源：Colin Mak
延伸閱讀：
網友插黃心穎返鄉下拜年勁高傲 馬國明急住護航解話！
細看80年代艷星52歲葉子楣一生 拒千萬酬金復出只因…
2013年新城勁爆獎棄橋底
在該照片中可以看到可以看到該獎項屬於2013年新城勁爆頌獎禮，但上面卻沒有刻上得獎者的躍進新人獎，而獎項附近則有一堆被遺棄的女裝鞋。而照片被廣傳後，就有網民列出當年躍進新手獎的五個得獎者，分別是羅力威、連詩雅、龍小菌、蔚雨芯及吳彤五人，佢哋都係最大嫌疑⋯⋯
龍小菌 最快出相表清白
龍小菌首先在其Facebook上放相，寫道：「2013年勁爆躍進歌手獎，多謝新城，多謝銳哥當年頒呢個獎畀我，攞一次獎有兩個機會講多謝，我仲有唱歌寫歌㗎，謎底好快解開。」相中的她捧著當年獎項，並表示「多謝新城、多謝銳哥」，以證明清白。
蔚雨芯：「冤枉」
另一個當年的得獎者蔚雨芯則在King Jer娛樂臺中作出回應，表示「啲獎項全部都係曬公司😂，冤枉😂」
之後佢又話網友好快手搵到當年得奬相片畀佢，連佢自己都冇咁話！但佢未能有新相證明個奬仲喺佢手！
連詩雅 將會有相為證
為無綫新劇《致所有愛過的人》開工的連詩雅，透過經理人公司同事幫她在公司獎櫃影相證清白，2013年在新城勁爆奪得的兩個獎座均完整無缺安放在公司內。佢話因為開工關係無法同個奬合照，但星期日會返公司到時可以同啲獎影相，佢仲話由佢出道奪得所有獎都放喺公司，因為公司有個櫃係專放我哋啲獎，而同公司的周柏豪、鄭融的所有獎，也一樣放喺公司嘅奬櫃！
羅力威老婆：我住九龍
至於得主之一嘅羅力威嘅太太雨僑話佢哋住九龍區而唔係住北角，而且相中所見到嘅女人鞋唔係佢，力證掉奬非他們所為！
View this post on Instagram#影張正經啲嘅賀年相先 新年快樂喔🎈祝大家今年身體健康，笑口常開！我覺得這兩點已經包括了我所需要的，你最想要的又是甚麼呢？
A post shared by 雨僑 • AVALIU (@avabibu) on Feb 4, 2019 at 7:08am PST
「嫌疑人」歌手羅力威被問到此事，佢聞言立即耍手兼擰頭不斷話：「真係唔係我！」之後搞笑澄清話：「我有一刻懷疑可能真係我，但諗諗嚇覺得冇咩可能，因為我又冇喺嗰頭出現，雖然尋日我有去北角，哈哈！」有網民叫佢攞實物出嚟，仲話佢未有正面回應！
吳彤 早已移居加拿大
吳彤則在自己的Facebook上發文，表示早已移居加拿大，而佢當日走嘅時候奬項都放在香港嘅迷你倉內，吳彤話：「移居加拿大一段時間，應該要斷捨離都一早斷捨離。不過我獎唔多，所以擺倉都仲好多地方，有緣攞出嚟影張相啦，何況咁多女裝鞋，我應該冇咁嘅福份，亦冇咁嘅興趣，祝大家豬年快樂！」
而之後佢仲提供咗一張相畀報館，相中顯示奬座喺迷你倉，似乎都係清白！
網民點睇？
當然來到這種尋真兇的情況下，一眾香港網民就紛紛金田一上身分析各種線索，其中就有人指獎項棄置地點位於北角，所以居於北角的羅力威嫌疑最大（但雨僑就指夫婦二人居於九龍）；另外應有人指攞獎最多的是連詩雅，所以就算放棄一兩個豬肉獎也沒關係。但最有趣的就莫過於有網民在照片傳出後趕到現場去希望能拾得該獎項，不過到達時獎項經已消失。
延伸閱讀：
羅仲謙當年全靠一隻XX追到楊怡 相差5年姐弟戀冇問題！
