這場演講是11/21佇文化創意園區舉辦ê，是文化部的全國巡迴書展的活動，我去一个小學參訪的時陣拄好看著伊的海報，有我佮意的作家，就決定欲來聽，雖然好笑的是，我因為家己的錯誤無聽著我佮意的作家演講，反倒聽著廖老師的演講，毋過我感覺真值得，這是我真佮意的一場演講，嘛因此我對原本對廖老師無啥了解，變佮閣較有興趣。

我感覺廖老師是一个真有魅力的演講者，伊風趣、佇性命當中嘛充滿故事性佮文學性，聽伊的演講是真有趣味，規場差不多攏無冷場，逐家攏真專心咧聽。

伊講，反抗的精神佮對社會的著急成就好的文學（反抗的精神和對社會的焦慮造就優良的文學），先講伊反抗家己厝lìn(lāi-bīn)嚴重重男輕女的現象，閣講伊反抗社會的故事；伊講，咱逐家就愛想「別人就是我」，真濟人攏會想講，我無做、別人也會做，敢真正是按呢咧？

伊講著寫作應該注意啥物？

A.莫予時代的偏見縛牢矣

1.重讀冊、輕人生

2.重文字、輕圖像（對圖像進化到文字？毋是，圖像佮文字仝款重要）

3.重讀寫、輕聽說

4.雞胿仔不再干焦是圓ê

B.提醒對身邊人事的關心

C.謙卑對待新的觀念

寫作的好處就是「加想一寡」、「觀察周圍」，伊提醒阮愛注意著人生的美好，千萬毋通放棄為人生內底䆀的所在來發言。

我感覺這場演講有影是真精彩，我嘛學著真濟，伊講的真濟話攏予阮一種思考的空間，我感覺，雖然伊講這寡對少年人來講是理所當然的代誌，毋過對現場真濟爸母應該嘛是真好的提醒，嘛提醒我對身軀邊所發生的代誌應該更加積極來關心佮思考，才有可能產生好的文學。

 

查看原文 >>