陳柏宇囡囡發燒唔睇醫生 太太全天候照料：好叻女冇食藥 【附小兒發燒8大誤解】
作為父母最擔心的當然是小朋友生病發燒了。去年剛升呢為人父母的陳柏宇（Jason）和太太符曉薇（Leanne）每日都喺社交網大曬囡囡Abigail嘅生活照，似乎非常享受做新手爸媽！而Leanne更是由零經驗到現在可以分享育兒心得。呢日，Leanne就分享咗囡囡Abi第一次感冒經歷，兩夫婦決定冇畀囡囡食藥，反而悉心照料等佢自己好番。
撰文：SundayKiss | 圖片：陳柏宇IG 、 符曉薇 IG | 編輯：Coco
延伸閱讀：
【親子好去處】九龍灣MegeBox限時活動 扮消防員救火 消費換試玩券
【4月1日開始】家長們要知 自願醫保計劃2019懶人包
陳柏宇囡囡發燒冇睇醫生
呢日，Leanne於社交網分享育兒心得。原來係7個月大的囡囡Abi經歷了人生第一次感冒，兩夫婦經過一輪上網搵研究、醫學報告後 發現「發燒本身唔會傷害孩子甚至可以講發燒係有幫助」，於是決定暫時唔帶囡囡睇醫生，亦沒有食藥。佢哋選擇「每半個鐘幫佢量體溫」，整晚抹身、餵水、按摩悉心照料囡囡，等Abi可以自癒。
媽咪大讚：好叻女冇食藥
《記錄abi第一次感冒》
今日abi 7個月，琴日經歷第一次感冒，我地好叻女無食藥。因為網上有研究話『發燒本身唔會傷害孩子甚至可以講發燒係有幫助，因為咁會傳遞訊息比身體其他部門，等身體製造更多白血球，以避免感染。一旦發燒，細菌或病毒就唔容易侵入人體，孩子反倒可以康復較快』
『醫學報告指出，體溫降低1℃，免疫力下降30%；但體溫上升1℃，免疫力則增加500 ~ 600%。』
陳柏宇太太 分享8招照顧幼兒發燒
Leanne仲不私心分享咗佢個一套「照顧幼兒發燒的方法」，唔少網民都大讚佢好用心，由零經驗到分享心得，不少人留言話「學到嘢」。
1. 半個鐘幫佢量體溫：記錄佢最高嘅體溫，維持咗幾耐，方便如果有咩事去睇醫生，都可以正確話到比醫生聽。
（我哋最後防線係39.5度，如果過咗就比佢食藥）
2. 退熱貼
3. 兩個鐘暖水抹身一次：由頭到頸，之後胳肋底都要抹水。
4. 餵水：好多bb都唔鐘意飲水，包括abi。但都要俾佢飲下，因為病係好需要飲水。琴晚abi可能知道自己病，所以佢都飲咗比平時多水。
5. 生理鹽水洗鼻：滴落個鼻度，有助洗走過敏物和分泌物，改善鼻敏感、鼻塞、鼻水倒流等問題。
6. 吸鼻涕：清理啲鼻涕，等佢舒服啲，冇咁容易咳。
7. 按摩：網上搵咗好多退燒按摩，有一個按摩方法，好多條片都有教「清天河水」建議大家可以上網參考。
8.bosisto eucalyptus oil：沖完涼抹嚇佢個肚同心口，傷風感冒，鼻塞肚痛發燒全部都可以用。（之前喺星加坡買，依家知道上網都可以買。非常多用途。）
小兒發燒 8大誤解要提防
幼兒發燒 了，父母就開始着急，四圍忙着找出退燒方法，怕萬一遲處理，小孩隨時燒壞腦，變成智能不足等後遺症。不過，原來這都是大眾對發燒認識不清，造成的不正確觀念，其實發燒 也有其好處，以下為大家拆解常見誤解。
小兒發燒誤解 1：以為發燒係一種病
造成 小兒發燒 的原因有好多種，而最常見是病毒或細菌的感染，其次還有一些自身免疫問題、癌症都可以有發燒的表現。張醫生指，當身體要抵抗病原體，必須增加白細胞的數量，發燒時提高身體溫度是其中一個機制，是一件「好事」，提醒病人身體是需要休息，一齊協助抗病菌的時候。
誤解 2：有理無理先食退燒藥
小兒發燒 大多是因為一般感冒病毒所引起，這一類的發燒通常幾天內就會自動退燒，退燒藥物只是緩解發燒所產生的身體不適，並非殺死病毒，張醫生指出最重要的還是找出病因，不要強求孩子馬上退燒或要求醫生給予強力的退燒藥。除非高燒不退，加上有脫水的現象，就最好送院觀察治療，並且考慮用點滴的方法補充水分。
誤解 3：高過37℃就以為係發燒
人體溫度一般為37℃，正常的情況下，身體的活動、情緒的變化、進食、多穿衣服、高濕度的環境，也會使體溫上升，尤其小孩更為明顯。張醫生表示人體溫度37℃，只是一個參考，高半度、一度未必是真的發燒，只有溫度持續一段時間或超過38℃，纔可視為發燒。
誤解 4：邊種探熱方式結果都一樣
口探是最常見的探熱方式，不過與耳探、肛探、腋探相比，量度出的溫度不一定最準確。張醫生指四者當中，其實以耳探和肛探這兩個位置的溫度比較穩定，量度的結果更準確。至於口探，會容易因食物的溫度而有所改變，而腋探會因為衣服的多寡和環境溫度而受到影響。
誤解 5：發高燒唔醫就會燒壞腦
發燒是身體在調動自身的免疫系統，讓它更好地工作，以防止進一步感染。張醫生指一般發燒本身是不會燒壞腦，但是，如果出現發燒的原因是由於大腦受到感染如腦膜炎或腦炎，大腦便可能會受損，建議如果孩子有不適 ，尤其是年幼者，最安全還是看醫生，以找出病因、評估與治療。
誤解 6：一味加被焗到出汗就會好
發燒時通常都伴有發冷情況，張指全因為身體發熱，血液迴流到體內，手腳會變得冰凍，而由於身體熱但是手足的末梢神經卻感到溫度偏低，所以有時冷時熱的情況。此時，好多人會在睡時，蓋上厚被，焗一身汗來，這傳統做法未必一定有效，輕微的出汗有助調節體溫，但不可勉強，同時，一定要換去濕透的衣服。
誤解 7：酒精抹身涼浸浸去降溫
在發燒時，血管會擴張，幫助身體散熱，但老一輩對於兒童發燒，都會用酒精來擦拭皮膚，希望藉酒精揮發，令身體溫度降低。不過，據張醫生笑言這種古老降溫法功效根本沒用，酒精蒸發能吸收熱量，感覺像一陣清風拂過，從而降低體溫，然而效果不大，而且會令病人感到非常寒冷，對於兒童來說，會十分抗拒。
誤解 8：發高燒一定大病纏身
高燒持續，一定令家長們分外憂心，但原來不一定愈高溫情況愈嚴重，張解釋，發燒的溫度只是其中一個指標，孩子的精神狀態如何也很重要。舉例來說，如果孩子體溫較高，但精神狀態可以，一般不用太擔心，相反，如果孩子體溫只是稍高，但是精神狀態很差，我們反而要小心跟進。
三招降溫大法 1. 飲水降溫
發燒期間要多飲水去補充身體水分，從而降低血液體溫，及避免因發燒期間流汗過多而脫水。另外，水分可以是白開水，亦可以是小孩喜歡的飲品。
2. 沖涼降溫
不要因身體發熱而給小孩沖凍水涼，最適合是以暖水抹身或洗澡，注意水溫需維持在38℃至40℃左右。
3. 減衣降溫
如果小孩的四肢及手腳溫熱且全身出汗，表示需要散熱，此時衣服不宜穿得過多，被子不要蓋得太厚，以免影響散熱，使體溫升得更高。
延伸閱讀：
【復活節活動2019】6大放電復活節親子好去處 掘蛋活動+嘉年華
