大J稳坐第一，抛离成条街？香港地20大打机YouTuber
打机打到年薪百万不是梦
以前讲起YouTuber，大家谂起嘅大部分都会系教化妆，当然都主要系女性居多啦。不过随住咁多成功Youtuber出现，呢个职业都开始成为好多人理想。电竞产业呢几年发展得好快，仲成为运动嘅一种，以前大家边有谂过打机叻真系可以揾食呀？打机界Youtuber越嚟越多，大家打嘅游戏都差唔多，不过每个人打机风格各有不同，所以都各自吸引唔同Fans 订阅日日追。就算自己无得打，睇人打都一样开心嘛！今日网路温度计就用网路大数据调查咗呢20大打机界YouTuber又有无你睇开𠮶个呢？
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
image source：YouTube/JASON的游戏频道 HunggyGames
10 TD TSUN
——WoW好犀利呀
一般打机实况主都会玩好多唔同种类游戏，一出新Game就会开始食住个热潮试玩。同其他Youtuber唔同，TD TSUN主要专注玩Minecraft，非常专一。风格都唔系走幽默风趣路线，而系比较偏向教学型、知识性分享俾玩呢个Game嘅同道中人。总之玩得Minecraft都一定睇过TD TSUN啦！
image source:
9 阿声 Singsing524
—— 阿声返嚟喇
阿声都算系元老级打机YouTuber，后来转型，拍咗唔少生活题材片，依家channel入面几乎隐藏晒以前打机嘅片，不过由2012年开始投身YouTube界，可以话系为香港打机类片嘅开荒牛。几个月前无出新片，不过大家都无因为咁而遗忘阿声，最近阿声就出返黎话之后会重新投入youtube，大家都仍然好支持佢呀。
image source:
8 Toyz
——上帝关了我一扇门，又为了我开了一扇窗
顶住前世界冠军呢个头衔，Toyz 应该系咁多个打机Youtuber入面来头最劲个个啦。2012年被游戏代理商睇中，成为英雄联盟职业选手，依家退役担任战队总监，带领电竞队伍，得闲都会继续开直播打机。保持频繁更新嘅YouTube channel，除咗打机片之外，美食类型嘅片都系佢出得几多嘅题材。
image source:
7 Undergrounddv 达哥
—— 正蠢才！轰牙！
「开台啦～开台啦～九点半又要睇达哥～」达哥嘅魅力相信唔洗我讲大家都好清楚，打机风格有趣而吸引好多人晚晚追直播，因为人气高，后来好多游戏代理商都揾佢合作。打机同时同一班网友倾计，够晒互动性，读中文系嘅达哥打机个阵因为成日讲出金句，成为大家口头禅，更加有「达朝话」嘅出现，打机打到有自己语言，我估都无第二个啦～
image source:
6 Hins
—— 啊生边位呀？
由2013年开始经营YouTube，旅行、游行实况、开箱等等多元化嘅题材，令Hins成功吸纳唔同族群嘅Followers。更片频率都几快嘅佢，玩嘅游戏好多元化，日日睇都唔会闷。加上成日同女朋友一起拍片，打机片睇得多，情侣两个人一起打机、抽蛋就真系好少见，真系闪死单身狗呀。
image source:
5 Loui5Ng 伍公子
—— 欢迎收睇公子玩
伍公子呢个名，无睇片都应该听过，因为作风比较直接，所以曾经都得罪网友，被网民踩过唔少次，不过讲嘢幽默抵死，比起其他Youtuber，可以话系比较做自己，钟唔钟意就见仁见智啦。虽然依家出片频率比起以前都低咗，不过仍然有一班支持者对佢不离不弃㗎。
image source:
4 Kzee
—— 哎呀哎呀 甩手
本身从事婚纱摄影，摇身一变成为Yotuber，因为成日课金多而有「课金王」之称嘅Kzee，经营频道一D都唔偷懒，平均一个礼拜会更新几条片，最密嘅时候甚至会一日上传两段新片，绝对唔会冷落一班支持者。打机有时课下金就在所难免，不过如果你无呢个财力下下「倒钱落海」，睇人课金都可以享受下个种抽蛋嘅开心呀！
image source:
3 屎莱姆 Edward Slime
—— 欢迎收睇屎莱姆疯狂世界
好多嘢都系无办法预计后果，就好似屎莱姆应该都无谂过一段用手机自拍嘅打机片喺无剪接嘅情况下会破10万点击，从此开启佢做YouTuber呢条路。自己开设游戏公司，顺理成章都拍埋打机片，又会同屎嫂拍一D生活化题材嘅片，最特别系自称四川辣王，周不时会试食辣嘢点评，「好食得辣」呢样嘢都系屎莱姆特色之一。
image source:
2 笑波子
—— Yo 又系波子打波子机
出片密，个人风格好强烈，一直带俾人正能量嘅笑波子，都系出名勤力嘅YouTuber，剪片剪到凌晨四点都坚持用最快速度每日更新，一日最多可以出3条片，一年出600几条片不是梦呀。同其他打机实况主一样，笑波子慢慢除咗打机片都会出其他生活类嘅片，两只好得意嘅爱犬都一样出镜率好高，好受网友欢迎。
image source:
1 Jason - 大J
—— Hello YouTube 我系Jason～
提起大J可能大家都知到佢有个好卡哇依呢嘅日本未婚妻麻衣，比起打机片可能更多人一开始留意到大J都系因为佢有好多唔同种类电子产品开箱同试用心得，可以话系帮好多人「防雷」唔洗花钱买难受。曾经系日本留学，加上另一半系日本人，所以都算系半个地胆，佢所拍嘅日本旅游片都几有参考价值㗎。
image source:
image source:
image source:
分析说明：
本研究资料由《KEYPO大数据关键引擎》提供，分析时间范围为2018年11月12日至2019年11月11日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『香港打机Youtuber』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
TVB视帝十大热门候选人！黑仔、马明今次有冇机？
为食卡好应该有依十样嘢食！大数据分析港人最爱嘅麦当劳小食！
