前田敦子 越Cup抢钱 忽然1周 885期
出外埠
前田敦子越 Cup抢钱
下个月 27号正式退队 嘅 AKB48成员前田敦子,近排好高调!先喺 6月 20号发行佢第二张单曲《君是我》,一推出即卖 6万几张,并获日本公信榜单日榜冠军。呢 啲都系小儿科咋!事关呢位姐姐仔都好识审时度势,虽然宣布单飞,依然食住「组合招牌」呢个衔头嘅威力,继续抢钱。
早两日之嘛,佢又推出个人写真集《不熟练》,唔知系咪退队无王管关系,写真集入面 嘅前田唔止身体大解放,其中一个双手捧双峰镜头,有本事将 B Cup升到 D Cup,极尽发挥「升 Cup超能力」,宅男大叹惊艳!难怪写真集一上市,已突破 10万本销量。啱啱 21岁嘅前田咁识捞,单飞 嘅佢,钱途真系无可限量。
单飞后要单打独斗嘅前田敦子,率先推出性感写真集刺激人气。
早前前田出席其新单曲发布会,亮点唔系佢嘅金色假发,而系露出嘅小黑底。
前田(中)人气虽然高,可惜佢嘅新剧《新花样少年少女》完全唔掂。