一見到就想笑！

由ViuTV選秀節目《全民造星》出身的4人組合ERROR，一直以「騎呢cam爆男子組合」為定位，繼改編同門MIRROR的歌曲《一秒間》，推出惡搞版《404》後，昨日趁4月1日愚人節，4子又推出新歌《我們很帥》，各成員更於社交網貼出宣傳照，而最爆笑是ERROR今次竟化身「流星雨」時期的F4！

相中，阿Dee（何啟華）、肥仔（梁業）、保錡（吳保錡）和193（郭嘉駿）齊齊戴上假髮，分別扮成吳建豪（Vanness）、言承旭（暴龍）、朱孝天和周渝民（仔仔），當中肥仔更學暴龍穿雞翼袖曬「壯」臂，而193則忽然「縮水」，與其餘3位成員一樣高！肥仔留言：「封面係想搵番偶像應有包袱。」阿Dee就表示：「新一年ERROR目標清晰，進軍臺灣市場。」

ERROR於愚人節推出新歌《我們很帥》。

以為咁就惡搞完？少年你太年輕了！原來ERROR仲發佈了一個「官方正式假MV」。MV中，開頭都好哋哋Slideshow嚇啲4人合照，殊不知一唱到Solo部分，鏡頭隨即Zoom in首位主唱的保錡，身旁3位成員的俊臉即秒被打格，之後打落的Solo部分都係咁，非常爆笑！到歌曲尾聲，阿Dee仲疑似即興教大家念「愛印咒語」，一班粉絲仲即學即用紛紛留言：「沙般喇般Like A盤般，巴喇般般，枷喇共共。」不少網民更留言大讚好好聽、好正，193就呼籲：「應承我，每日聽193次直到我哋有budget拍MV為止，好嘛？」

正版F4

ERROR仲發佈了一個「官方正式假MV」。

宣傳照中，ERROR成員惡搞「流星雨」時期的F4。

片中都不乏一些製作花絮，睇嚇佢哋把秀髮幾飄逸！

MV製作好粗糙，Solo部分竟將其餘成員塊面打格，超爆笑！

《全民造星》監製花姐都有去探班，仲畀4子笑死！